FANDOM


File:The da vinci code.jpg
Carton levante de la filma

La Coda da Vinci (da Vintxi) es un filma baseda supra la novela bonvendeda La Coda da Vinci scriveda par Dan Brown. El ia es prevideda en la note de mostra prima su la Festival de Filma en Cannes, a 17 maio 2006.

Per se comprendes contraversal e naradal de la istoria de cristianisme, ambos la libro e la filma de La Coda da Vinci ia es la ojeto de critica per la Eglesa Catolicisme Roman. Ance alga bispos ia recomenda forte se membros a boicota la filma. Multe mostras prima ia es acompaniada par protestores esterna la sinemas, e la revisas prima ia es miscada. Ma en la fini de semana de se mostra prima, la filma ia ave un mostra grande, sola min grande en numeros de vidores compareda a la mostra prima de la filma Presenta II de Gera de Stelas: Retalia de la Sith.

Soma Edit

La filma segue un profesor de simbolojia, Robert Langdon, de cuando a el es demandada visita la sena de un asasina asustante en la Louvre. Langdon e un criptografor joven franses, Sofie Neveu, atenta comprende la mesaje lasada ala par la vitima, supra manteni un secreta tenida durante du-mil anios, consernante Jesus e Maria Magdalena, ce ta pote cambia profonda la cristianisme.

La nara Edit

No leje la testo a su, si tu no vole conose la evolva e la fin de la narada!

La filma comensa con un om, Jac Sauniere, xasada par un person misterios con xapo e un fusil, tra un de la alas de arte en la Louvre. La om atente evade la person ma el es confrontada par el ci se revela como Silas de Opus Dei. Silas demanda la loca de la "clef de voûte" (clave de petra) de la Priori de Sion, un sosia secreta. Ma Sauniere nara a el un menti ce ia es ance narada a el par otra tre gardistes de la secreta de la Priori, cada asasinada par Silas ante. Silas fusila la om, tirada en la stomaco, e vade. La menti comun, ce dirije enemis sola a un testo "tu ia vade a asi, ma tu no vade plu", ia es fingeda par la Prioristes de Sion en caso los ta es menasada.

A mesma tempo, la simbolojiste american Robert Langdon es en Paris per lesona supra 'Simboles e la Fema Santa'. El es contateda par la Interpol franses, e clamada a la Louvre per visa la sena crimal. Ala, el descovre ce Sauniere morinte ia creada un mostra complicada (como un desinia de Leonardo da Vinci) usante inca per lumina ultravioleta, se sangue e se corpo. Capitan Bezu Fasce demanda a Langdon per comprende la sena enigma.

Sofie Neveau, la criptolojiste franses, es contata ance par la polis. El informa discreta a Langdon ce el es en danjer, e el debe vade pronto sin causa suspeta. Langdon, confusada, pardone se mesma e vade a la saleta privata do el rencontra Sofie ci esplica a el ce capitan Fasce ia sutreada un linia ("PS trova Robert Langdon") de la scrive de Sauniere en inca per lumina ultravioleta ce pare crimali Langdon, e el esplica ce Fasce crede ce Langdon es la mator.

Sofie crede ance ce Sauniere asasinada, ci ia es la avo de Sofie, ia vole dona el un mesaje codada e ia vole junta el a Langdon per aida el fesuri la coda. Los debe resolva du misterios: Ce es la secreta protejeda par Sauniere ce ia culmini en se mori? Ci es la jenio respondable per la asasina?

La duple manaje crea alga tempo par destrae la polises franses. Los esplora la Louvre do los trova plu mesajes anagramada par Sauniere. Multe de esta mesajes sembla relate a la arte de Leonardo da Vinci. Ultima, la artes e rompetestas dirije los a trova un clave decorada con un adirije enscriveda en la lado.

Los evade la Louvre, donce ambos crimales xercada, e vade a la Banco de Zurich en Paris como la clave dirije. Ala los descovre ce Sauniere ia ave un caxa secura ce nesesa un coda de 10 dijitos per abri el. Esta nesesa prima ce los va resolva otra rompetestas en la artes de Leonardo, incluinte la Mona Lisa e La Come de la Sera Ultima.

La comprende de mesajes ascondeda en la artes es tota relateda a la consepi de Fema Santa. Los debe resolva la misterio par resolva un seri de rompetestas, anagramas e combinas de numeros. La informa es comutada con la loca posable de la Calix Santa, la sosias misterios de Priori de Sion e Cavalores de Temple. Ance Opus Dei, la organiza catolica, es envolveda.

Los susede resolva, e la caxa a la banco en paris es abrida. La caxa conteni un criptador; un macineta ce pote es liniada en multe modos, como un rompetesta cubo de Rubic. La macineta debe spele un parola secreta de 5 leteras per abri la mesaje a entre. El debe no es forseda per ce la mesaje ta es destruida.

Secretas Edit

El pare, seguente la narada, ce la secretas de la Calix Santa, ascondeda e gardada par la Priori de Sion, es seguente:

  • La Calix Santa no es un tas fisical, ma un fem, Maria Magdalena, ci ia nase un enfante de Jesus.
  • La parola vea per Calix Santa, San Grial, es vera Sangue Reial de Cristo.
  • La restas consernante la Calix Santa es testos supra la linia de familia e osos vera de Maria Magdalena.
  • La restas ia es ascondeda par la Priori de Sion en un tomba secreta, posable su la Egleseta Rosalin.
  • La Eglesa Catolica ia supresa la veria supra Maria Magdalena e la linia de sangue de Jesus durante du-mil anios, xef car esta potia de omes ia es temente par la pote de fema santa.
  • Maria Magdalena ia es naseda en un familia reial, la Casa iudi de Benjamin, e ia es la sposa de Jesus de la Casa iudi de David. La Eglesa Catolica ia finje la malacusa ce el ia es un prostituta per oscura la relate vera entre la du. A la tempo de la Crusa de Jesus, el ia es ensinta. Pos la Crusa, el ia fuji a Gaul do el trova refuja con la iudistes de Marseille. Ala, sa fia ia nase, clamada Sarah. La linia de sangue de Jesus e Maria Magdalena ia deveni la dinastia Merovingian de France.
  • La esistente de la linia de sangue ia es la secreta ce ia es contenida en testos descovreda par la Crusadores pos los ia concista Jerusalem en 1099. La Priori de Sion e la Cavalores de Temple ia es organizada per garda esta secreta.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.