FANDOM


In 1988 on ia publici la norma internasional ISO 8601. La gol de esta norma es la scrive de un data en un modo nonambigua e internasional. Un de la scrives normalida es la data con la numero de la semana. Per esemplo, en loca de 29 febrero 2012, on pote scrive 2012-W9-3, en cual 2012 indica la anio, W9 indica la semana 9, e 3 indica la dia 3 de la semana (cual comensa sempre a lundi).

Esta norma ia crea du tipos de anio: la anio con 52 semanas, e la anio con 53 semanas. Donce la dura de un anio es o 364 dias o 371 dias. Acel es un revolui grande! Un anio ave 53 semanas cuando o la dia un o la dia ultima de la anio tradisional es un jovedi. En la otra casos la anio ave 52 semanas.

La resulta es ce la 3 janero 2010 deveni 2009-W53-7, e la 4 janero 2010 deveni 2010-W1-1. On pote leje acel datas como "sundi de la semana 53" e "lundi de la semana 1". Con esta calendario reformida, la anio ave 4 trimestres con esata 13 semanas en cada trimestre. Sola cuando la anio ave 53 semanas, ave un semana completinte. Esta completi aveni pos 6 o 5 anios.

Un sistem no normalida ma divertinte ta es la relata de la 52 o 53 semanas, con la cuantia de cartas en un jua de cartas. La semana 1 ta es la semana "as de trefolia", la semana 13 ta es la semana "re de trefolia", la semana 14 "as de diamante", la semana 27 "as de cor", la semana 40 "as de spada", e la semana 53 ta es la semana "bufon". La 29 febrero 2012 es "la mercurdi 9 de trefolia 2012". La anio prosima con un semana "bufon" va aveni en 2015.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.