FANDOM


LibroDeLaPrinsePeti

La prinse peti (franses: Le Petit Prinse), publicida en 1943, es la libro la plu famos de la avionor franses Antoine de Saint-Exupéry. On ia tradui el en plu ce 180 linguas e vende plu ce 80 milion copias. Ave un tradui en elefen. La plu de editas inclui alga desinias par Saint-Exupéry se mesma.

An si el pare es un libro per enfantes, La prinse peti fa puntos profonda e idealiste sur la vive e la natur umana. Saint-Exupéry reconta ce el encontra un prinse joven en la media de la Sahara. La esense de la libro es trovada en la frases sinifios e famos cual la volpe dise a la prinse peti: "On vide bon sola con la cor. La esensal es nonvidable per la oio." La volpe vosi ance otra mesajes sentral, como: "On es encargada per sempre con la cosas cual on doma" e "La tempo cual on spende con se rosa causa ce la rosa deveni tan importante".

TramaEdit

La naror es un avionor abandonada en la deserto. El encontra un prinse joven, ci demanda per un ovea desiniada. La naror no sabe fa esta, donce el desinia un boa con un elefante en se stomaco, un desinia cual cada person presedente ia malcomprende como un xapo. Cuando la prinse protesta ce esta no es un ovea, la naror atenta desinia oveas varios, e final el desinia un caxa opaca cual conteni la ovea. La prinse gusta esta: el vide la ovea en la caxa tan bon como la elefante en la boa.

On introdui la planeta do la prinse peti abita. Esta es un asteroide tan peti como un casa, nomida B612. El ave tre volcanes e un rosa. La reconta de se nomi par un astronomiste turces mostra ce adultes tende crede un siensiste sola si el es vestida como los e ata como los.

La prinse cura constante se planeta, estraente la baobabes cual atenta radisi ala. Esta arbores ta polvi se planeta peti si el no estrae los. Tra la libro, el aprende es pasiente e fa laboras difisil per manteni se planeta. El ama se rosa; e la rosa ama el, ma no pote espresa se.

La otra asteroidesEdit

La prinse parti per vide la resta de la universo, e visita ses otra asteroides abitada par persones fol:

  • La Re ci "controla" la stelas, ma sola car el comanda los fa se ativia normal.
  • La Egos ci abita sola, ma vole ce cadun amira el. El oia sola lodas.
  • La Enebriada ci bevi per oblida ce la bevi vergonia el.
  • La Comersior ci conta constante la stelas cual el "posese". El vole usa los per compra plu stelas.
  • La Ensendor ci abita un asteroide cual torse estrema rapida. Ante multe tempo, cuando la torse ia es plu lenta, on ia encarga el con la taxe de ensende un lampa a cada note. Ma aora el no pote reposa. La Ensendor es la sola person encontrada par la prinse ci cura no se mesma, ma un otra cosa.
  • La Jeografiste ci fa constante mapas, ma parti nunca de se table per esplora la mundo. La prinse informa el de la volcanes e la rosa sur se planeta. La Jeografiste responde ce se mapas no inclui flores, car los es tempora. Esta xoca la prinse. La Jeografiste recomenda un visita a la Tera.

Visita a la TeraEdit

La prinse comensa se visita en la deserto, do el encontra un serpente ci dise ce el pote reenvia la prinse a se casa; ma la serpente es malvolente, e par "se casa" el intende la moria. El encontra alora un flor ci, pos vide alga viajores, crede ce umanas no ave radises e es moveda sur la tera par la venta. La prinse asende un montania alta per regarda la planeta completa, ma el trova sola un vista de rocas. Clamante, el oia un eco, ma el no comprende perce la abitores de la Tera repete a el se parolas.

El trova un serie de arboretas de rosas, e esta tristi el, car el ia pensa ce se rosa es la sola en la universo. El comensa opina ce el no es un prinse grande, e el plora. Ma el encontra alora un volpe ci esplica ce la rosa de la prinse es vera unica e spesial, car la prinse ama el.

Un ferovior informa ce la persones usa trenes per freta constante entre locas, nunca sasiada con cualce loca; sola la enfantes regarda tra la fenetras. Un mercator refere la prinse a un pil cual elimina la sidia e gania per cadun sincodes-tre minutos en cada semana. La prinse ta usa acel minutos per trova acua bevable.

La naror es morinte de sidia, ma el e la prinse trova un fonte de acua. La prinse parti emosios de la naror, esplicante ce, an si pare ce el va mori, el abandona vera sola se corpo, car esta es tro pesos per porta a se planeta. La prinse permete la serpente morde el. En la matina seguente, la naror trova ce la corpo de la fio ia desapare. La naror demanda ce on contata el si on encontra un enfante strana en acel area.

InspirasEdit

La naror es abandonada en la deserto en un avion danada. Sin duta, la autor prende esta de se crase propre en la Sahara, como descriveda en la article sur Antoine de Saint-Exupéry.

En la deserto Saint-Exupéry ia encontra un volpe de arena, e esta es probable la inspira per la carater de la volpe en la libro. En un letera de 1918 a se sore, el ia descrive se eleva de un volpe de arena (ce el adora).

Posable el ia tira la inspira per la aspeta de la prinse de se aspeta propre cuando el ia es un joven. Se amis ia dona a el la nometa "Re de Sol", pos se capeles oro risa.

Cuando la prinse informa la naror ce se corpo morinte es sola un casca vacua, esta sembla la parolas final de François, la frate plu joven de Antoine: "No turba tu. Me es oce. Me no pote preveni esta. Me corpo fa."

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.