Lacota es un varia de la lingua dacota e un membro de la familia de linguas su. El es parlada par sirca 6,000 persones, la plu de los abituante en la SUA norde-sentral.

Contents 1 Gramatica 1.1 Ordina de parolas 1.2 Esclamas 1.3 Juntas 1.4 Averbos e posposadas 1.5 Nomes e pronomes 1.6 Mostrantes 1.7 Verbos 1.8 Cliticas

GramaticaEdit

Ordina de parolasEdit

La ordina de parolas en lacota es SOV (sujeto-ojeto-verbo), an si la ordina pote es cambiada per espresa asentua, etc. El usa posposadas, pe mas'óphiye él, "a la boteca" (leteral, "boteca-la")

La ordina segue jeneral esta model (los en brasetas es elejable, no nesesada):

• (esclama) (junta) (averbo/s) (nom) (nom) (nom) (averbo/s) verbo (clitico/s) (junta)

On pote ave asta tre nomes: la sujeto, la ojeto, e la ojeto nondireta. A la otra lado, on pote ave frases con sola un parola: la verbo.

EsclamasEdit

Esclamas vade a la comensa de la frase. Un cuantia peti de esclamas es usada sola par un o la otra seso. Per esemplo, la esclama per espresa noncrede es ečéš per femas ma hóȟ per omes; la esclama per comanda atenta es máŋ per femas ma wáŋ. La plu de esclama es usada par ambos sesos.

JuntasEdit

Es comun ce un frase comensa con un junta. Ambos čhaŋkhé and yuŋkȟáŋ pote es tradui como "e", k’éyaš sembla "ma". Cada de los junta proposas. Plu, la junta na junta nomes o formulas.

Averbos e posposadasEdit

Lacota usa posposadas, cual es simil a preposadas ma segue se nom. Averbos o formulas posposadal pote descrive moda, loca, o razona. Ave ance averbos de demanda, cual es usada per crea demandas.

Nomes e pronomesEdit

Nomes es elejable en lacota, ma cuando el apare, la ordina de parolas es nomral sujeto-ojeto-verbo. Pronomes no es comun, ma pote es usada per contrasta o per asentua.

Lacota ave cuatro articles: waŋ es la article nondefinante, simil a lfn "un", e kiŋ es la article definante, simil a lfn "la". Plu, waŋží es un article nondefinante cual es usada con ipotesal ojetas, e k’uŋ es un article definante cual es usada con nomes cual ia es mensionada presedente.

MostrantesEdit

Ave ance nove mostrantes, cual pote funsiona como pronomes o determinantes:

	distantia de parlor
	prosima	neutral	distante
singular	lé	hé	ká
dual	lenáos	henáos	kanáos
plural	lená	hená	kaná

La mostrante hé es la plu neutral. Pos cuando un nom ia es locada, par punta o descrive, en spasio o en la mente de la escutor, hé pote es usada. Ante esta, on usa normal lé or ká per mostra esata cual es intende, an si hé pote es usada en cuando on punta.

VerbosEdit

Verbos es la sola clase de parolas cual es obligada en un frase lacota. Verbos pote es ativa (nominte un ata) o stativa (descrivente un cualia - cual en lfn nesesa "es" e un ajetivo). Verbos es infletada per person un, du, e tre, e per singular, dual, e plural.

Ave du modeles per la infleta de la verbo: Un grupo de morfemes indica la person e numero de la sujeto de verbos ativa. Un otra grupo de morfemes acorda con la ojeta de verbos ativa e transitiva o la sujeto de verbos stativa.

La plu de morfemes en alga model es prefisas, ma sujetos plural es marcada con un sufisa, e la ojetos en person tre plural es marcada con un infisa.

Person un pote es singular, dual, o plural; person du e tre pote es singular o plural.

Sujeto de verbos ativa

	singular	dual	plural
person 1	wa-	uŋ(k)-	uŋ(k)- … -pi
person 2	ya-		ya- … -pi
3	(no marcada)		-pi

Esemplos: máni "el pasea"; mánipi "Los pasea"

Sujeto de verbos statica

	singular	dual	plural
person 1	ma-	uŋ(k)-	uŋ(k)- … -pi
person 2	ni-		ni- … -pi
person 3	(no marcada)		-pi

Ojeto de verbos transitiva

	singular	dual	plural
person 1	ma-		uŋ(k)- … -pi
person 2	ni-		ni- … -pi
person 3	(no marcada)		-wicha-

Esemplo: waŋwíčhayaŋke "el ia regarda los"

CliticasEdit

Lacota ave alga particulas clitica cual segue la verbo. Alga de los difere si la parlor es mas o fema.

Alga cliticas indica la aspeta, moda, o cuantia de la verbo cual los segue. Ave ance alga cliticas de demanda cual marca la espresa como un demanda e mostra detalias peti de sinifia. Per esemplo, en cuando he es la clitica normal per demandas, huŋwó es usada per demandas retorical o en parlas formal, e wa indica un grado de dubi e funsiona como un "demanda de cortesia".

Un poca de cliticas (sirca oto) difere con la seso de la parlor. Yeló (omes) e ye (femes) marca asertas jentil. Kštó (femes) marca asertas forte. Yo (omes) e ye (femes) marca comandas neutral. Yetȟó (omes) and nitȟó (femes) marca comandas familiar, e ye (ambos omes e femas) e na marca comandas cortes. He es usada par ambos sesos per marca demandas direta, ma omes usa ance hųwó en situas plu formal. So (omes) e se (femes) marca demandas cual no suposa ce la otra person conose la responde.

Parlores nativa e linguistes acorda ce alga cliticas es relatada con un seso o la otra, esta regula es no sempre segueda. Alga veses, un ome ta usa cliticas usada par femes, e femes ta usa los usada par omes.