Libia
From Vici de LFN
|
| Bandera nasional |
|
| Loca en Africa |
|
Libia es un pais en Africa.
La area es sirca 1,759,540 cilometres cuadrada.
La cuantia de popla, en la anio 2007, es sirca 6,036,914 persones.
La site capital es Tripoli .
La major linguas es Arabi, Engles, e Italian. Libia es un de la paises la plu grande de Africa norde, ma 90 persentos de lo es planos steril e deserto, con clima calda e seca , en cual poca plantas crese ala. La recurso xef es petrolio.
La plu de popla es de orijin berber e arabi. Plu ca du tris de popla vive en la areas costal, e plu ca 86% es sitan. Islam es la relijio de stato. Instrui es sin costa e obligante, e sirca 70% de la popla pote leje. Libia ia es un pais cultival, ma la descovre de petrolio en tarda de desenio 1950 ia cambia profonde la economia. La plu de comedas es importada. Su la constitui de 1977, potia es tenida par la gidor revoluinte.
Fenisianes ia institui colonias a la costas de Libia presente. En la sentenio 16 EC, la osmanlis ia catura lo. En la sentenio 19, ia emerji la partida islamiste puritan sanusi. El ia gida la resista contra la italianes, ci ia comensa la concesta de Libia. La osmanlis ia retira en 1912. Durante Gera Mundal Du (1939-1945), Libia ia es la sena de combata intensa entre italian-deutx e la fortias aliada. Pos la gera, Frans e Britan grande comparti la controla de la pais asta cuando lo gania nondepende plen en 1952. Libia ia junta la liada arabi 1953 e la Nasiones Unida(UN) en 1955.
En 1969, un grupo de ofisiores joven de armada ia reversa la governa e ia institui la Republica Arabi Libi. La governa revoluinte, dominada par coronel Muammar al-Qaddafi, un islamal zelos cual aspira a la gidoria de la mundo arabi, ia mostra un determina a ata un rol plu grande en la este media. Qaddafi ia ordina ce tota comersias debe es intera poseseda par libis, e tota bancos e recursos olial ia es nasionalida. Pos la gera de Iom Cipur(1973) entre arabis e israelis, Libia ia partisipa a un embargo de vende olial a la ueste e ia recomenda forte un preso plu alta per olio. Su gida de Qadafi, la suporta libi per Organiza de Libri Palestin(PLO) ia aumenta. Tensia entre Libia e SUA alti en 1981 cuando jetos naval de SUA ia xuta a su du aviones libi. En tarda de 1985, en responde a terorisme grandida e parente dirijeda par Libia contra americanes en Europa, la SUA ia bombi locas en Libia suposada como "sentras teroriste". En 1992 , la Nasiones Unida(UN) ia comanda punis contra Libia per se refusa de esclui du omes suspetada de bombi la avion Pan American Flight 103 en 1988 sur Lockerbie, Scotland.
