FANDOM


Louis 14, ance nomida la Re Sol (5 setembre 1638 - 1 setembre 1715) ia es la re de Frans e de Navarre de 14 maia 1643 asta se mori. Se jenitores ia es Louis 13 e Anne de Osteraic. El ia es batizada como Louis Dieudonné (la donada de dio), car se jenitores no ia pote ave enfantes per 22 anios a ante. En 1643, ante se aniversario sinco, se padre ia mori e Louis ia erita la trono. Car el ia es tro joven per rena, se madre ia rena Frans con cardinal Mazarin, un finansior italian ci ia es la ministro xef de Louis 13. Mazarin ia gida la nasion tra la partes tarda de la Gera de 30 anios (1618 - 1648), en cual Frans ia luta per supremia militar contra la dinastia Hapsburg cual ia rena Espania.

En 1660, Louis ia sposi Maria Theresa de Espania, la fia de re Philip 4 de Espania e Elisabeth de Frans. Los ia ave ses enfantes. Sola la prima, Louis "la Dauphin grande" ia survive. "Dauphin" es franses per delfin, cual apare sur la scermo de eraldia de la eritores legal de Frans.
Louis XIV of France

Pos cuando Mazarin ia mori en 1661, Louis proclama ce el va rena Frans sin un ministro xef, cual no re franses ia fa a ante. El ia intende rena como un monarca asoluta, credente ce la potia como re ia deriva direta de dio. Ma el ia crede ance ce el ia es obligada rena per la bonia de se popla, e ia acorda ce el ia debe rena en la constrinjes de la leges e abituas de se reia. Louis ia consulta con se nobiles e ministros, e ia reuni cada semana con se consiliores alta. El ia crea un consilio de ministros nonformal, cual ia es conduida par Jean-Baptiste Colbert, la ministro xef de finansia.

An si, la sistem de monarcia asoluta ia asentua la rol de la re, e Louis ia es multe susedosa en colie potia a se mesma, e ia usa la sol como la simbol de re rena.

Comensante en 1661, Re Louis 14 ia muta un casa simple per xasores a un palasio merveliosa. Plu ca 30,000 laborores ia construi la Palasio de Versailles (versai), un projeta cual ia drena la tesoreria reial per desenios. La custas ia inclui no sola la construi, ma ance la diverti de rios, la instala de tubos per trae acua pur a la palasio, e la planta de miles de oranios per covre la odor de la acua de cloaca cual no ia pote es tota drenada a via.

En maio 1682, Louis ia cambia la capital de Frans a Versailles, 12 milias de Paris. El ia desira move se mesma e se nobiles de la conspiras de Paris, e Versailles ia deveni un simbol de se monarcia asoluta.

An si Louis ia sonia de un erita espaniol per se eritores, se politica militar no ia intende estende la teritorio de Franse. El ia promove la Gera de la Devolui (1667-1668) per declara se alegas per un parte de la poseses de Espania pos cuando la padre de se sposa, Philip 4, ia mori. Louis ia declara la posese de Nederland espaniol en loca de la donada per sposi cual Philip 4 no ia paiada.

La ataca franses en Nederland espaniol ia causa ce la relatas mali entre Frans e Nederland libre. Les nederlandes ia luta ja la espanioles per jeneras per proteje se contra un invade de se pais. Los no ia intende permete ce la franses menasa los en la mesma modo. La resulta ia es un gera en Nederland de 1672 a 1678, en cuando Louis ia mostra denova la potia de la militaria franses. Louis no ia susede concista Nederland. Per proteje se, la nederlandes ia abri la paramares, inonda la campania, e cambia [Amsterdam] a un isola. La armadas de Louis no ia pote avansa plu, e los ia negosia un sesafusili.

Gera ia comensa ancora cuando Espania e [Osteraic] ia aliada se con Nederland, e Louis ia fa un trata con [England] en 1670 per reteni la neutria de se marina. Ambos lados no ia pote gania un vinse clar, e ambos ia sufri de difisiles finansial, cual ia condui los ultima a un trata per sesa la gera.

En 1685, Louis ia cansela la Trata de Nantes. Esta trata ia dise ce Frans va ave libria de relijio, ma pos la cansela, protestantisme ia deveni nonlegal. entre 210,000 e 900,000 protestantes - nomida Hugenotes - ia sorti de Frans a Nederland, England, e otra paises protestante. La res ci segue Louis ia nesesa imposta la popla, spesial la povre, per atenta paia la deta cual la atas de Louis ia causa. Esta impostas es un parte major de la causa de la Revolui Franses.

Pos la media de la desenio de 1680, Louis ia comensa deveni fatigada. El ia manteni un ajenda multe intensa e no ia atende a se dotores. Un braso rompeda no ia permete se paseas a cavalo o pede, e el debe es puiada sirca Versailles en un seja rolante. En 1683, se sposa prima ia mori, e Louis ia sposi se amor de multe anios, Françoise d'Aubiigné, la Marcesa de Maintenon. En 1711, el ia esperia la mori de se fio prima, e a la anio seguente, la mori de se neto prima.

Pos 72 anios sur la trono, Louis ia mori de gangrena a Versailles, a 1 setembre 1715, cuatro dias ante se aniversario 77. El ia es enterada en la basilica de San Denis estra Paris. El ia resta ala per sirca 80 anios, pos cuando revoluistes ia desentera e destrui la corpo. Louis ia es segueda como re par se duneto Louis 15, ci ia ave sinco anios cuando el ia deveni re de Frans.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.