FANDOM


La maladia de Addison es un desordina endocrinal en cual la glandes adrenal no produi sufisinte ormones steroidal. El es jeneral diagnoseda par probas de sangue e imajografia medical. Trata es la repone de ormones asenta. La maladia es nomida per dr Thomas Addison, la mediciste ci ia descrive prima la maladia en On the constitutional and local effects of disease of the suprarenal capsules (1849).

La sintomes de la malada developa sutil e no pote es reconoseda per alga tempo. La sintomes plu comun es fatiga, vertigo cuando on leva o sta, debilia de la musculos, febre, perde de pesia, difisilia en leva, ansia, nausea, vomita, diarea, dole de testa, sua, cambias de umor e personalia, e dole de juntas e musculos. Alga persones ave desiras forte per sal o comedas salos, par la perde urinal de sodio. Persones con esta maladia pote posable nota plu bronzi, car la malfunsiona adrenal pote es mostrada en la pel par iperpigmenti.

La causas de malfunsiona adrenal pote es grupida par la modo en cual los causa ce la glandes adrenal produi cortisol nonsufisinte. Esta es (1) disjenese adrenal (la glande ia no es bon formida en developa, (2) steroidojenese descapasida (la glande es presente ma no ave la capasia biocimical per produi cortisol), o (3) destrui adrenal (prosedes maladial ce causa dana de la glande).

Trata per la maladia de Addison es la repone de la cortisol mancante, en la forma de piles de idrocortison o prednison, cual imita la proportio fisiolojial de cortisol.

La proportio de persones con la maladia es estimada a sirca un en 100 000. Alga rexercas dise sirca 40 a 60 persones per 1 000 000.

Con medica conveninte, pasientes pote espeta un vive sana e normal.

La presidente de la SUA John F. Kennedy es la sufror plu conoseda de la maladia de Addison.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.