FANDOM


Michael Jackson

Michael Jackson en 1984

Michael Joseph Jackson (29 agosto 1958 – 25 junio 2009) ia es un musiciste american. La enfante sete de la familia Jackson, el ia apare prima en la mundo de musica profesal a la eda de 11 como un membro de The Jackson 5 en 1969, e ia comensa un carera solo en 1971 cuando el ia es ancora un membro de la grupo.

En la anios seguente, on ia nomi el la Re de Pop. Se album Thriller de 1982 es la disco la plu bon vendeda de tota tempo, e cuatro de se otra albumes solo es ance entre la discos la plu bon vendeda en la mundo: Off the Wall (1979), Bad (1987), Dangerous (1991) and HIStory (1995).

Temprana en la desenio 1980, el ia deveni un figur dominante en la musica poplal, e la prima de la divertores african-american ci ia atrae en MTV multe fanes de musica de plu ca un jenero. La poplalia de se videos musical difundida par MTV ia dona la fama a acel canal musical nova. Multe persones opina ce la video de Thriller ia muta la conseta de la video musical, tan ce lo sesa es un util per promove e deveni un forma de arte en se mesma.

En se presentas sur stadios e se videos, Jackson ia poplali alga tecnicas de dansa fisical complicada, como la dansa robotin e la pasea lunal. Se sona musical e stilo vosal distinguida ia influe multe artistes de hiphop, de pop, e de ritmo e blus contempora.

Jackson ia dona e jenera miliones de dolares per causas beneficante par se fundada, se discos carital, e se suporta de 39 organizas carital.

Otra partes de se vive personal, como se aspeta cambiante e se condui, ia es controversa e ia dana se imaje publica. An si on ia alega en 1993 ce el ia maltrata sesal enfantes, on ia clui la investiga criminal par causa de manca de atesta, sin acusa el. La cantor ia esperia problemes de sania de pos la comensa de la desenio 1990, e reportas desacordante sur la state de se finansia de pos la fini de acel desenio. Jackson ia sposi a du veses e ia jenita tre enfantes, e esta ia ajunta a la controversia.

El es un de la poca artistes ci on ia indui a du veses en la Museo de Roc e Rola. La libro de recordos mundal de Guinness nomi el la divertor la plu susedos de tota tempo. El ia vende plu ca 750 milion discos tra la mundo.

El ia mori a 25 junio 2009, a la eda de 50, par causa de un para cardial. El ia anunsia ja un turi per comensa en London a 13 julio 2009.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.