FANDOM


Netuneamfitrite


Mosaica de Netuno e se sposa, la nimfa de mar Amfitrite.

La mitolojia roman ia ave du edas: La eda prima es un mitolojia de la romanes propre; la eda du es un mitolojia multe influenseda par la mitolojia de la elinicas e otra mitolojias plu este.

La romanes antica no ave naradas ordinada de se dios como la elinicas. En loca, los ave un sistem complicada de rituos, organizas de pretes, e panteones de deos relateda, plu un colie rica de mitos istorial supra la funda e crese de la site de Roma, con atores uman e, a poca veses, la envolve de dios.

Per esemplo, un roman antica ta dise ce Ceres ave un prete ofisial, clamada un flamen, ci es un inferior de la flamenes de Jupiter, Marte, e Quirino, ma un superior de la flamenes de Flora e Pomona. El ta dise ce Ceres es parte de un truple con du otra dios de cultiva, Liber e Libera. E posable el ta dona un lista de dios minor con postos spesial ce servi Ceres: Sarritor (per aranca malerbas), Messor (per recolie), Convector (per la caros), Conditor (per la reservas), Insitor (per seme), e multe otras.

En tempos plu tarde, la relijio orijinal de la romanes ia es alterada par la junta de credes numeros e nonacordante, e par la asorbe de multe partes de la mitolojia elinica. Nos conose partes de la relijio roman orijinal no de reportas de romanes de la eda prima, ma de scrivores plu tarde ci ia vole salva costumes vea de la nonusa. Otra scrivores antica, como Ovidio, ia es influenseda par la moda de la elinicas, e ia usa credes elinica per pleni la fesures en la costumes roman.

La dios major Edit

  • Apollo - dio de la sol, poesia, musica, e oraculos
  • Bona Dea - divo de fertilia, cura, virjinia, e femas (ance clamada Fauna)
  • Dioniso - dio de vino e la joia de seso (ance clamada Baco)
  • Carmenta - diva de nase e profetas
  • Ceres - diva de recolie e la madre de Proserpina
  • Cibele - madre de la tera
  • Diana - diva de la xasa, la luna, virjinia, e nase, la jemelo de Apollo
  • Flora - diva de flores
  • Fortuna - diva de fortuna
  • Jano - la dio con du testas, la dio de portes e de comensas e finis
  • Juno - rea de la dios e la diva de sposi
  • Jupiter - re de la dios e la dio de tempestes, la aira, e la sielo
  • Marte - dio de gera e la padre de Romulo, la fundor de Roma
  • Mercurio - la mesajor de la dios e la portor de spiritos a la mundo suteran
  • Minerva - la diva de sajia e de gera
  • Netune - la dio de la mar, de tremas de tera, e de cavalos
  • Opi - la diva de abunda
  • Pluto - la re de la mor
  • Pomona - diva de arbores de fruta
  • Portunes - dio de claves, portes, e bestas
  • Proserpina - diva de la mor e de grano
  • Quirino - un dio de gera (Romulo, la fundor de Roma, ia es fada la dio Quirino pos se mori)
  • Saturno - un titan, dio de la recolie e cultiva, la padre de Jupiter, Netuno, Juno, e Pluto
  • Venus - diva de ama e belia, madre de la eroe Eneas
  • Vesta - diva de la ximine e la stato de Roma
  • Volturno - un dio de acua
  • Vulcan - dio de la foco, forja, e forjores


Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.