FANDOM


Caryatid
La moda de elinica antica ia es vera simple e pratical, e alga persones de oji vide ancora lo como un moda multe bela e refinada.

No vestes survive de esta eda de istoria, ma multe descrives, scultas, e desinias esiste ancora. La vestes ia es xef fada en la casas propre, e ave comun multe usas (como telas, per esemplo). An si la media e imajina moderne mostra vestes pur blanca, la elinicas antica comun prefere colores vivosa e desinias detaliosa.

La citon (χιτών) es un tunica per omes o femes. Lo es construida de un retangula de lana o lino. La varia dorica cade de la spalas es es fisada par broxes, spinos, botones, o cose. Femes usa comun un plia como los usa per la peplos. La varia ionica ia es portada sin la plia, e ia es securida de colo a polso par alga spinos peti. Un sintur grande (un zoster, ζωστήρ) o spesa (un zone, ζώνη) pote es usada sur la chiton, su la seno o la taie. La longia de la citon ia es plu longa ca la altia de la person, afin la tela suprapasante ia es traeda a supra la sintur como un camisa laxe.

La peplos (πέπλος) es un roba longa per femes, comun fada de lana. Lo ia es un tubo de tela pliada con la interna a la esterna de la alta a sirca dui la distante a basa, afin la alta de la tubo estende a la taie e la basa a la talo. La roba ia es alora fronsida sirca la taie, e la alta (a la plia) es spinida par un brox a la spala.

Femes elinica porta a veses un banda sirca la senos su la tunica, e un xal pote es poneda supra la tunica. La himation (ἱμάτιον) es un capa longa, comun fada de lana, portada en tempos plu fria. Omes pote usa un capa plu corta. Omes (e a alga veses femes) pote usa un xapo. Estra la casa, on pote usa sandales o botas de cuoro.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.