FANDOM


Netherlandsantilles

Papiamento (o Papiamentu) es un lingua ofisial de la isolas de la Mar de Caribe cual ia es colonias de Nederland: Aruba, Bonair, Curasau, e San Marten. El es un lingua creol cual es derivada de portuges e espaniol, con contribuis de nederlandes, engles, linguas arauac, e linguas de Africa ueste. La nom de la lingua veni de "papear" (parla, parleta) de portuges.

Papiamento ave du sistemes de spele. En Aruba, los usa un spele cual es plu prosima la spele orijinal en portuges, espaniol, o nederlandes. En la otra isolas, los usa un spele plu prosima a la pronunsia. Per esta razona, los dise "papiamentu" en loca de "papiamento". La esemplos a su usa la spele du.

VocalesEdit

  • A - [ɑ] como A en elefen. multe corte ante L e U.
  • E - [e] como E en elefen; [ɪ] como I en engles "in" ante X.
  • È - [æ] como A en engles "cat"
  • I - [i] como I en elefen; como I en engles "in" en alga parolas de nederlandes; [j] como Y en engles "yes" en diftongos (ia, ie, io, iu, ai, ei, oi).
  • O - [o] como O en elefen.
  • Ò - [ɒ] como O en engles "not".
  • U - [u] como U en elefen; [w] como W en engles "when" en diftongos (ua, ue, ui, uo, au, eu, ou).

ConsonantesEdit

  • B - [b] como B en elefen.
  • C - ante I o E, [s] como S; [k] como C en elefen en otra casos.
    • CH - [tʃ] como CH en engles o espaniol.
    • CI ante otra vocales - [ʃ] como X en elefen.
  • D - [d] como D en elefen.
    • DJ - [dʒ] como DJ en elefen.
  • G - ante I o E, [h] como H en engles; [g] como G en elefen en otra casos.
    • GU ante I o E, [g] como G en elefen.
  • H - [h] como H en engles.
  • J - [j] como Y en engles.
  • K - [k] como C en elefen.
  • L - [l] como L en elefen.
  • M - [m] como M en elefen.
  • N - [n] como N en elefen; [ŋ] como NG en engles a la fini de un silaba o parola.
  • Ñ - [ɲ] como Ñ en espaniol o NY en engles.
  • P - [p] como P en elefen.
  • Q - [k] como C; sola usada ante I o E; ma la usa de K es preferida.
  • R - [ɾ] como R en engles.
  • S - [s] como S en elefen.
    • SH - [ʃ] como X en elefen.
    • SI ante otra vocales - [ʃ] como X en elefen en alga casos.
  • T - [t] como T en elefen.
  • V - [f] como F en elefen en alga parolas de nederlandes; [b] como B en elefen en alga parolas de espaniol; como V en elefen en alga parola de engles.
  • W - [w] como W en engles.
  • X - [ks] como X en engles.
  • Y - [j] como Y en engles.
  • Z - [z] como Z en elefen.
    • ZJ - [ʒ] como J en elefen.

AsentuaEdit

  • En parolas cual fini en un vocale, la asentua es a la silaba ante la silaba final.
  • En parolas cual fini en un consonante, la asentua es a la silaba final, eseta per alga parolas de espaniol cual fini en -er en papiamento, ma fini en -re en espaniol. En esta casos, la asentua es a la silaba ante la silaba final.
  • Si un parola no segue esta regulas, la vocal asentuada es indicada par un asentua (´).
  • Parolas de demanda ave sempre un asentua.
  • Verbos de du silabas no ave un asentua clar.

NomesEdit

  • Papiamento ave du articles, cual presede la nom:
    • E - la
    • Un - un
  • El ave ance multe otra determinantes, cual es identica a la pronomes a su.
  • La plural es indicada par sufisa -nan a la nom.
    • nota ce -nan no es usada en tota casos, ma sola cuando nesesada per clari la plural.
  • Jeneral, si on vole indica la seso de un persona o animal, on ajunta la parolas per "om" e "fem" pos la nom:
    • Yiu muhé - fia
    • Yiu homber - fio
    • Mucha muhé - xica
    • Mucha homber - xico

PronomesEdit

  • Mi - me
  • Bo - tu
  • É - el
  • Nos - nos
  • Boso - vos
  • Nan - los
  • La pronomes no cambia cuando usada como un ojeta o pos un preposada. Ma, per indica la ojeta nondireta (dativa), la pronom es sufisada a la verbo:
    • Mi ta dunabo - Me dona a tu
    • Bo ta bisami - Tu dise a me
  • La pronom é, cuando usada como un ojeta direta (acusativa), es ance sufisada a la verbo:
    • Me ta tum'é - Me prende lo
    • Me ta cumpr'é - Me compra lo
  • La du regulas presedente pote es combinada, con la ojeta direta pos la ojeta nondireta:
    • É ta dunam'é - El dona lo a me
    • É ta duna'élé - El dona lo a el
  • Cuando asentuada, mi deveni ami, e bo deveni abo.
  • É no es usada como un pronom nondefinada:
    • Ta yobi hopi - Lo pluve multe
  • La pronomes refletante es la mesma como la pronomes simple, o on pote ajunta mes:
    • Mi mes, Bo mes,... nan mes - me mesma, tu mesma,... se mesma
  • Per indica mutualia, usa otro:
    • Nan ta odio otro - Los odia la un la otra

PoseseEdit

  • La determinantes de posese es la mesma como la pronomes, e es ajuntada pos la ojeta poseseda, esetante ce on usa su en loca de é.
  • Señor su, Señora su - usada per cortesia en loca de su simple.
  • La pronomes de posese es di plu la pronom:
    • É ta di mi - el es de me (pd la mea)
  • Per di é, los usa di djé.

Pronomes de definiEdit

  • Papiamento distingui tre distantias per la pronomes de mostra - prosima a me, prosima a tu, e distante de ambos:
    • Aki - asi, esta
    • Ei - ala, acel
    • Aia - ala, acel (distante)
    • Esaki - esta
    • Esakinan - estas
    • Esei - acel
    • Eseinan - aceles
    • Esaia - acel (distante)
    • Esaianan - aceles (distante)
    • Esun - acel
    • Esunan - aceles

Pronomes de nondefiniEdit

  • Esemplos de la pronomes nondefini:
    • Algu, Algun - alga, algun
    • Un hende - algun, on
    • Nada Ningun - no cosa, nun
    • Cualke - cualce, cualcun
    • Nan - on, lo es
      • Nan ta bisa cu... - on dise ce..., lo es diseda ce...
    • Tur - tota, cada
      • Tur cos - tota cosas, cada cosa
      • Tur hende - tota persones, cadun

Parolas de demandaEdit

  • Parolas de demanda inclui:
    • Cuá - cual
    • - ce
    • Kén, kénde - ci
    • Cón - como
    • Únda - do
    • Cuántu - cuanto
    • Pakíko - perce
  • Esta parolas normal comensa la frase.
  • Papiamento no ave un parola unica per "cuando". En loca, el usa espresas plu esata:
    • Kí ora? - cual ora?
    • Kí dia? - cual dia?
    • Kí tempu? - cual tempo?
    • Kí aña? - cual anio?
  • Si un demanda no ave un pronom de demanda, la ordina es la mesma como frases afirmante:
    • Bo ta bai cas. - Tu vade a casa.
    • Bo ta bai cas? - Tu vade a casa? Esce tu vade a casa?

AjetivosEdit

  • Ajetivos no cambia, e los jeneral segue la nom.
  • La compara de ajetivos es simple:
    • Bunita - bela
    • Mas bunita - plu bela
      • É ta mas bunita cu mi - el es plu bela ca me
    • Di mas bunita - la plu bela
    • Mashá bunita - multe bela
    • Casi bunita - cuasi bela

NegaEdit

  • Nega en papiamento es indicada par no, poneda ante la parola negada.
  • Papiamento permite la usa de negas duple:
    • Me no tin nada - me no ave un cosa (leteral "me no ave no cosa").

AverbosEdit

  • Averbos segue la verbos cual los altera, ma presede la ajetivos cual los altera.
  • Esemplos de averbos de tempo:
    • Awor, awe, ayera, paden, etc
  • Esemplos de averbos de modo:
    • Bon, malu, mihó, pió, etc
  • Esemplos de averbos de cuantia:
    • Muchu, poco, basta, mas, menos, etc

VerbosEdit

  • Jeneral, verbos segue la sujeto e presede la ojeto:
    • Mi amigu tin placa - Mea ami ave mone
  • Ta - es usada per "es" e per indica la presente.
    • Ta es de la parola portuges "está"
    • No tota verbos es introdui par ta.
  • A - "ia", usada per indica la pasada.
    • la pasada de ta ("es") es tábata.
    • la pasada de tin ("ave") es tábatin.
  • Lo - "va", usada per indica la futur.
    • Lo es de la parola portuges "logo", portuges per "plu tarde".
    • Nota ce lo es cadeda en multe casos.
    • En alga casos, lo presede la sujeto.
  • Tábata es usada per indica la pasada nonperfetada:
    • Mi tábata huma un cigaría - me ia es fumante un sigareta
  • On crea la forma de comanda par sutrae la sujeto:
    • Bini mañan - veni doman
    • Lasa nos bebe - lasa nos bevi
  • La sujuntiva esiste sola en la presente, e es formada par no usa la ta:
    • Si é bini... - si el (ta) veni...
  • La modo ipotesal es sola en la futur, e es formada par usa ambos a e lo:
    • Lo me a come - me va come/me ta come
  • La infinitivo es la verbo simple:
    • Cumpra, come, pidí - compra, come, demanda
  • La partisipio ativa es formada con -ando o -iendo. El es usada como un ajetivo:
    • Cumprando, comiendo, pidiendo - comprante, comente, demandante
  • La partisipio ativa, usada con ta, es egal a la verbo simple con ta:
    • É ta comprando = É ta compra
  • La partisipio pasiva es formada par asentua (o sutrae la asentua de) la vocal final de la verbo simple. El es usada como un ajetivo e per crea frases pasiva:
    • Cumprá, comé / comí, pidi - comprada, comeda, demandada
  • Frases pasiva es construida con worde o ser:
    • E carta a worde skirbí - La carta ia es scriveda
    • E carta a ser skirbí - La carta ia es scriveda
  • Papiamento usa multe verbos aidante. Los es segueda par verbos en la forma simple. Esemplos de verbos aidante:
    • Por - pote
    • Tin - debe (la mesma parola como "ave", simil a "have to" en engles)
      • Tabatín - ia debe
    • Mester - ia debe
    • Ke / kier - vole, desira
    • Sa (de sabe) - sabe, pote

PreposadasEdit

  • Formulas de preposada segue comun la parolas cual los altera. Esemplos de preposadas:
    • Di - de
    • Cu - con; ance usada per "e" con persones (e per "ce" e "cual").
    • Na - a (un cosa)
    • Cerca - a (un person)
    • Den - en
    • Pa - per
    • For - de (a la esterna)
    • Dilanti - ante
    • Tras - pos

JuntasEdit

  • Esemplos de juntas:
    • I - e
    • O - o
    • Ma - ma
    • A fin cu - afin
    • Ni... ni - no... no
    • Cu - ce, cual
    • Loce - el ce, el cual
    • Si - si

NumerosEdit

  • Numeros cardinal:
    • Un - un
    • Dos - du
    • Tres - tre
    • Cuater - cuatro
    • Cincu - sinco
    • Seis - ses
    • Siet/Shete - sete
    • Ocho - oto
    • Nuebe - nove
    • Dies - des
    • Diesun - des-un
    • Diesdos - des-du
    • Binti - dudes
    • Bintiun - dudes-un
    • Trinta - tredes
    • Cuarenta - cuatrodes
    • Cincuenta - sincodes
    • Sesenta - sesdes
    • Setenta - setedes
    • Ochenta - otodes
    • Nobenta - novedes
    • Cien/Shen - sento
    • Mil - mil
    • Dos mil - dumil
  • Numeros ordinal es, esetante per "prima", indicada par di:
    • Promé/promér - prima
    • Di dos - du
    • Di tres - tre
  • Fratos usa parolas cual difere de la numeros simple:
    • Mei/mitar - dui
    • Un tercio/un tercia parte - tri
    • Un cuartu/un cuarta parte - cuatri
  • Per multiplias, on usa sufisas simil a la -uple de elefen:
    • Dóbel - duple
    • Tripel - truple