Paul Johann Ludwig von Heyse (1830-1914), es la noveliste, poesior, e dramiste, ci on ia reconose per la realisme e perfetisme strutural de se scrives. El ia nase en Berlin, en Deutxland, e ia oteni instrui a la Universia de Berlin. Per la plu de se carera el ia es su la padronia de la res bavarian Maximilian II e Ludwig II. La noveletas de prosa la plu famos es La furia (1855; trad. 1855); otras es La fia de Treppi (1858; trad. 1874) e Andrea Delfin (1859; trad. 1864). Se novelas inclui Enfantes de la mundo (1873; trad. 1882). Heyse ia scrive poesias numeros e sirca 60 teatrales. El ia es un oposor conservativa de la movia naturaliste e impresiste en leteratur de la fini de sentenio 19; El ia perde multe prestijio leteratural en Deutxland a causa de contratacas de membros de esta scolas. Heyse ia gania la premio Nobel de 1910 en leteratur,e ia es la scrivor prima deutx de reseta esta onora.

Paul Heyse, par Adolph von Menzel