FANDOM


Da Isola de tesoro

Par Robert Louis Stevenson


Per ce la proprior Treloni, dotor Livsi, e la seniores restante ia demanda me, ce me scrive la detales de Isola Tesoro da comensa a fini, teninte no cosa sin la loca de la isola, e esta sola per ce es a este ora ricas no levada, me prende un pen en la anio de pardonia 17__, e me me restitui a la tempo, cuando me padre manteni la otel "Admiral Benbo", e la marinor brun e vea con un cortida de spada comensa abita su nos teto.

Me recorda el, si es ier, cuando el veni forte a la porta de la otel, se comoda de mar seguente el en un careta: un om alta, forte, pesa, brun como torca. El dise pos un poca tempo:

--Esta es un asconderia fasil. Multe clientes, ami?

Me padre dise no, clientes vera poca, plu manca.

--Ua, donce esta es la dormeria a me. Tu pote clama me ce? Tu pote clama me Capitan. Ua, me vide esa, ce tu vole-- asi.

E el lansa tre o cuatro pesos de oro ante la ximine.

E, vera, con se abitos tal mal, e parlante tal noncortes, el ave no pare de un om, ci ia naviga ante la masto, ma pare un ofisior o padron, ci abitua reseta obedi o donar puni. El ia dirije me a lado a un dia e promete a me un cuatro-senti moneta a prima dia de cada mense, si me fa simple me "oio per clima abrida a un om navigante con sola un gama", e fa el conoseda a momento, cuando el va apari. La modo, per ci acel carater ia fa me sonias turbada, me no debe nara a vos.

Contra ce me teme multe con la idea de la om navigante con sola un gama, me teme multe min la Capitan ce alga un, ci conose el. Se naradas ia es acel, ce fa la jente plu teme: matar par pende, pasear da plance, tempestes supra mar. El continua resta semana pos semana, a fini mense pos mense, e a esta modo tota monetas es consumada, e ance me padre a no tempo colie la corajia per ce insiste, ce el ave plu. Me es serta, ce la turba e teme, in ce el ia vive, debe fa se mor prematura e nonfelis plu pronto. La Capitan reseva a no tempo un letera, e el parla con no person esetante la visinas, e con los plu fecuente cuando ebria con rum.

El deveni coler a sola un ves, e acel es a la fin, cuando me padre pove es en la malada, ce mata el. Dotor Livsi ia veni a un posmedia tarde, per ce vide la malador, aseta un poca come da me madre, e vade a la salon, per ce fuma se pipa, asta ce se cavalo veni da la vileta, per ce nos ave no stala a la Admiral Benbo. Subita el-- la Capitan, acel es-- comensa canta se cantada eterna:

Des sinco omes supra comoda de morida-- Io-o-o e un botela con rum! Bevi, e a la diablo la resta-- Io-o-o e un botela con rum!


Esa es nova a esta note a no person esetante dotor Livsi, e a el, tal me nota, esa no fa un efeta agreante, per ce el regarda multe kolera a un momento, ante ce el continua conversa con vea Teilor, la jardinor, de un medisin nova de artritis. La Capitan el regarda forte, colpa la mano supra la tabla, regarda plu forte, e a fin cria con un jura maldisente e de vil:

--Fa tu silenta, ala entra niveles!

--Es ce tu a me clama, senior? Me ave un cosa sola, per ce a tu dise, senior: Si tu continua a bevi rum, la mundo va manca pronto un vil vera bruta!

La om vea salta a pedes, tira un cotel pliable de marinor, e, balansante esa supra la palma de la mano, menasa ce el va fisa la medicor a la muro.

La medicor move a no tempo.

--Si tu ne repone pronto acel cotel en la pox, me promete de me onora, ce tu va pende en la corte legal seguente.

La Capitan sede pronto, retorna se arma, e se retorna a senta, roncante como can batada. La medicor continua:

--E esta ora, senior, per ce me conose, ce es en me distrito tal om, tu pote es serta, ce me ave la oio supra tu entra dia e note. Me es no sola un medicor; me es un judor.

Pronto pos acel la cavalo de dotor Livsi veni a la porta, e el vade da ala. Ma la Capitan silenti a esta sera, e a multe seras seguente.

Vide ance Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.