Preposada
Talk0
2,872pages on
this wiki
this wiki
Un preposada es un parola cual relata du otra parolas o formulas. Per esemplo, en la frase "la can en la casa," la parola en relata la parola can e la parola casa. La relatas conserna, per la plu parte, tempo e loca, ma multe otra relatas es ance posible, pe de posese (de) o usa (con). Ma preposadas no es normal la relata sentral de un frase completa: Esta es la labora de la verbo. La preposada con la parolas cual segue es nomida un frase preposadal. Multe linguas usa preposadas, pe lfn e la plu de linguas de Europa. Ma otra linguas prefere usa posposadas, cual segue ambos de la du parolas relatada.
Lista completa 
Edit
| preposada | sinifia (en engles) | sinifia (en lfn) | esemplo |
|---|---|---|---|
| a (spasio) | at a certain place, to, in the direction of, against, touching, dative case | un loca, un direta o destina, tocante o apoiante | el sta a la loca, el vade a la destina, el apoia a la mur |
| a (tempo) | at a certain time | un ora, ves, o tempo | me vade a un ora |
| ante (spasio) | before, in front of | me nas es ante me fas | |
| ante (tempo) | before a certain time, by | el va es finida ante un ora | |
| asta (spasio) | beside, by, next to, up to | a lado de | la sal es asta la peper |
| asta (tempo) | till, until a certain time | pos esta ora a un otra ora | me no vide tu asta doman |
| con (relata) | with, in the company of, with, using, by means of a tool, device, machine, etc., sociative and instrumental case | acompaniante, un util, macina, o strumento | Maria vade con me, el construi la table con sola un siera |
| contra (spasio) | facing | en fas de | los senta se contra la parce |
| contra (relata) | against, opposed to, in spite of, despite | oposa, no aproba, no ance un nonfasil situa | me es contra la gera, contra la pluve me ia trova un taxi |
| de (spasio) | from, originating at | la orijin | me vade de la orijin |
| de (tempo) | since, from that time on | la tempo pos un ora asta esta ora | el labora de la matina |
| de (relata) | of, belonging to, about, concerning, general relation, made of, a portion of, genitive or possessive case | un posese, la sujeto, la material, un parte | la casa es de Maria, la libro es de la gera, el es fada de lenio, me desira un peso de torta |
| en (spasio) | in, inside of, into | la interna o a la interna | la serebro es en la testa |
| en (tempo) | in a certain time period, during, while doing something | durante un periodo de tempo | el ocura en la matina, atende en patina! |
| en (relata) | in a language or other system | ce es esta parola en franses? | |
| entre (spasio) | between, among | me testa es entre me oreas | |
| entre (tempo) | between two times | la tempo pos un ora e ante un otra ora | el es nase entre la du geras |
| estra (spasio) | outside of, out of | la esterna | la bove es estra la graneria |
| estra (relata) | except, other than | esetante | tota membros es asi, estra Juan |
| longo (spasio) | along, following the length of | seguente la longa, paralel | la rio core longo la via |
| par (relata) | by, done by, made by, authored by (agent), by means of some method (e.g. by hand, by the book...), via (e.g. a road) | un autor o otra creor, un metodo o via | esta opera es par Mozart, el fa la table par mano |
| per (relata) | for, as a means to, in order to, on behalf of, to benefit, on account of, because of, caused by, in place of | la fini desirada, aida o benefica, la causa, en loca de | el scrive un libro per deveni rica, me es felis per la bon tempo, me scrive la libro per me madre, me va vade per Maria |
| pos (spasio) | after, behind, following, beyond | el coda es pos se corpo | |
| pos (tempo) | after a certain time | me debe vade pos un ora | |
| pos (relata) | according to | es vera, pos la jornal | |
| sin (relata) | without, excepting | no acompaniante, no incluinte | me vade sin Maria |
| sirca (spasio) | around | la anelo es sirca el dito | |
| sirca (relata) | approximately | me ave sirca 50 anios | |
| su (spasio) | under, below | la sumarina es su la mar | |
| su (relata) | sub-ordinate to | me gida la auto su la dirije de la instruor | |
| supra (spasio) | above, over, across | plu alta ce la surfas | la sielo es supra la tera, el patina supra la lago |
| supra (relata) | superordinate to | no person es supra la lege de la pais | |
| sur (spasio) | on, on top of | a la surfas | me xapo es sur me testa |
| sur (relata) | concerning, regarding, about | regardante, consernante | esta libro es sur la gera |
| tra (spasio) | through, by way of (a town, etc.) | la medio | la tren vade tra la tunel |
| ultra (spasio) | past, beyond, across | indica o move a un otra lado | la auto vade ultra la foresta |
Frases e ajetivos cual ata como preposadas Edit
| par causa de | because of, on account of | |
| en loca de | instead of, in place of | per |
| en caso de | in case of | |
| a lado de | next to, beside | asta |
| a fas de | facing | contra |
| fasante | facing | contra |
| seguente | according to, following | pos |
| consernante | concerning, on, about | sur |
| regardante | regarding | sur |
| durante | during, in the time | en |
| usante | using, with a tool, etc. | con |
| esetante | except, without | sin, estra |
| traversante | across, beyond, past | tra, ultra |
