FANDOM


Primas semantica o primitivas semantica es consetas semantical cual es inata comprendeda, ma no pote es espresada en un forma plu simple. Los representa parolas o espresas cual es aprendeda par pratica, ma no pote es definida en un modo concreta. Per esemplo, an si la sinifia de "toca" es fasil aprendeda, un disionario ta defini posible lo como "contata", e defini alora "contata" como "toca", cual definis ofre no informa si la du parolas no es comprendeda. La conseta de primas semantical inata ia es introduida par la libro par Anna Wierzbicka, Semantics: Primes and Universals.

Lista de primasEdit

Categoria Primas
Nomes me, tu, algun, popla
Nomes de relata cosa/alga cosa, corpo, spesie, parte
Determinantes esta, la mesma, otra
Cuantias un, du, alga, tota, multe
Evaluas bon, mal
Descrives grande, peti
Verbos de mente pensa, sabe, desira, senti, vide, oia
Parla dise, parolas, vera
Atas, avenis, moves fa, aveni, move
Esiste e posese esiste, ave
Vive e mori vive, mori
Tempo cuando/tempo, aora, ante, pos, un tempo longa, un tempo corta, per alga tempo, momento
Spasio do/loca, asi, supra, su, distante, prosima, lado, in, toca/contata
Lojica no, posible, pote, car, si
Grado vera/multe, plu
Similia como/modo

Table de Goddard, 2002.


Un sintatica universal de sinifiaEdit

La primas semantica representa consetas cual ave sinifia universal, ma per ave informa o declaras con sinifia, esta consetas debe combina en un modo sinifiante. Tal combinas sinifiante, en se forma la plu simple como frases, es la sintatica de un lingua. Wierzbicka dona evidente ce, como tota linguas usa la mesma colie de primas semantica, los usa ance la mesma sintatica, o multe simil sintatica. El dise - "Me es ance proposante alga regulas inata e universal de sintatica, no en la modo de alga sintatica formal cual no es verable par intuita, como lo de Chomsky, ma en la modo de motifes verable par intuita cual determina la combinas posible de consetas primitiva". (Wierzbicka, 1996) El dona un esemplo cual compara la frase engles "me vole fa esta" con se coresponde rusce. An si el nota alga diferes formal entre la strutures de la du frases, se coresponde semantica emerji de la "... coresponde de la primitivas se mesma e de la regulas per se combina".

Esta labora [de Wierzbicka e se colaborores] ia resulta en un colie de proposas multe concreta sur la cor nonreduable ipotesal de tota linguas umana. Los opine ce esta cor universal ave un carater completa 'linguin' con la sinifia ce lo es composada de un vocabulo de primitivas semantica con un sintatica cual governa como la primitivas pote es combinada. (Goddard, 1998)

Posible lo no es surprendente ce tota umanas parla oji un lingua con un cor comun, car on ave multe evidente de tota umanas desende de du asendentes umana, mas e fema, ci ia es capas de parla tan distante como 130 000 anios pasada, posible no plu ca 65 000 pos la fosiles de Homo plu temprana.

... an si on ave oji multe linguas e dialetos diferente, la capasia per lingua pare identica en tota razas. Donce, nos pote conclui ce la capasia per lingua ia esiste ante la developa de diferes de raza. (Whitrow, 1988)

ReferesEdit

  • Goddard C. (1998) Bad arguments against semantic primitives. Theoretical Linguistics 24:129-156.
  • Goddard C. (2002) The search for the shared semantic core of all languages. In Cliff Goddard and Anna Wierzbicka (eds). Meaning and Universal Grammar - Theory and Empirical Findings. Volume I. Amsterdam: John Benjamins. pp. 5–40.
  • Goddard C., Wierzbicka A. (eds.) (1994) Semantic and Lexical Universals: Theory and Empirical Findings. Amsterdam: John Benjamins
  • Whitrow GJ. (1988) Time in History: The evolution of our general awareness of time and temporal perspective. Oxford University Press. ISBN 0-19-215361-7. p. 11.
  • Wierzbicka A. (1996) Semantics: Primes and Universals. Oxford University Press.

LiasEdit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.