Pronunsia de parolas stranjer
From Vici de LFN
Parolas stranjer (incluinte nomes propre) pote conteni la sinco leteras H, K, Q, W e Y ce no apare en parolas normal de LFN.
Per esta leteras, on pote usa la pronunsias seguente:
- H
- Silente — sin pronunsia.
- K
- Como C — [k].
- Q
- Como C — [k].
- W
- Como U — [u] o [w], seguente la regulas per U.
- Y
- Como I — [i] o [j], seguente la regulas per I.
O on pote usa un pronunsia ce refleta plu bon la sonas coreta en la linguas de orijin:
- C
- Pote sona como S en franses, espaniol e engles, si el situa ante [i] o [e].
- C
- Pote sona como TS en xines e la linguas slavica.
- C
- Pote sona como TX en italian, si el situa ante [i] o [e].
- CH
- Pote sona como X en franses.
- CH
- Pote sona como TX en engles, espaniol, xines, japanes, corean, e la linguas indian.
- G
- Pote sona como J en franses, si el situa ante [i] o [e].
- G
- Pote sona como DJ en engles e italian, si el situa ante [i] o [e].
- J
- Pote sona como DJ en engles, xines, e la linguas indian.
- J
- Pote sona como un I semivocal en la linguas germanica e slavica.
- PH
- Pote sona como F en engles e franses.
- Q
- Pote sona como TX en xines.
- S
- Pote sona como Z en multe linguas europan, si el situa entre du sonas con vose.
- SH
- Pote sona como X en engles, xines, japanes, e la linguas indian.
- W
- Pote sona como V en deutx e polsce.
- Z
- Pote sona como TS en deutx e italian.
- Z
- Pote sona como DZ en xines.
- ZH
- Pote sona como J en xines e farsi.
Si la pronunsia de un parola stranjer es nonfasil divinable par se spele, respele el a modo regulal en brasetas pos la nom: Brown ("Braun").
