FANDOM


Sur la Gera de Galia
Commentarii de Bello Gallico
Vercingetorix jette ses armes aux pieds de Jules César
Autor: Cesar
Pais: Republica Roman
Lingua: Latina

Sur la Gera de la Galia (latina: Commentarii de Bello Gallico) es la nara par Cesar sur la gera de Galia, scriveda como un nara en person tre. Cesar descrive la batalias cual aveni en la nove anios cual el ia es lutante contra la germanicos e celtas en Galia.

Tota la Galia es divideda en tre partes: la parte un es abitada per la beljes, la parte du, per la aquitanes, e la parte tre per la popla nomida celtas en sua lingua e galos en la nosa. Tota esta es diferente en lingua, instituis e leges. La galos es separada de la aquitanes per la rio Garona, de la beljes per la Marne e la Sena. De tota esta poplas la beljes es la plu corajosa, per ce los es la plu distante de la cultura e sivilia de la Provinse, e min visitada per la mercatores ci ta pote debili sua coraje; los es visina de la germanicas, ci abita ultra la Reno, e constante batalia contra los. Per causa de esta, la helvetianes esede la resta de la galos en coraje, per ce los luta dial contra la germanos, o per esclui los de sua teritorio o invadente sua teritorio. La parte ja refereda abitada per la galos comensa a lado de la Reno, e limita con la Garona, la mar, e la teritorio de la beljes; lo estende se ance per la teritorio de la secuanes e de la helvetianes asta la Reno, en dirije a la norde. La teritorio de la beljes, comensante en la limite de la Galia, estende asta la parte basa de la Reno, en dirije a la norde-este. Aquitania estende se de la rio Garona a la Montes Pirineo e de eta parto de la mar cual bani Espania, en dirije a la norde-ueste.