Esta es la article sur relijio. La categoria Relijio conteni plu articles sur relijio.

simboles de relijios

Un relijio es un colie de credes (sur la mundo e la persones) e disposas moral, parteninte a un person o un comunia umana. El refere spesial a la conseta de esentes santa (per esemplo un dio), e ance a la dinia de la adora, de la respeta o de la obedi.

On pote categori la relijios en cuatro grupos xef:

1. Animisme
2. Dualisme
3. Monoteisme
4. Politeisme

Consetal e istorial, la relijio prima ia es la animisme, cual es la crede sur la spirito umana, e la crede ce tota otra cosas natural ave egal un spirito.

La crede sur la "fortes de la natura" (la animisme) pote cristali en un teisme cual usa la conseta de dio, cual pote es plural (politeisme) o simple (monoteisme) o du fortes de natura (dualisme).

Ance, la junta de teoria e pratica de la animisme ia evolui final a credes con strutures dur, como en la caso de la xintoisme en Japan, o la filosofias relijios de la induisme e la budisme.

La agnosticisme nega la posablia de demostra la esiste o nonesiste de un realia supranatural. La nega asoluta es la ateisme.

Relijios Edit

• Bahaisme
• Budisme
  • Teravada
  • Mahaiana
  • Vajraiana
• Cristianisme
  • Catolicisme
  • Ortodoxisme
  • Protestantisme
  • Anglicanisme
• Mormonisme
• Dauisme
• Islam
  • Suni
  • Xia
• Induisme
  • Crixnaisme
• Iudisme
• Relijios Natural
• Satanisme
• Sicisme
• Xinto
• Uica
• Vudu
• Zaratustrisme
• Mitraisme
• Manisme

Ance:

• Mitolojia
• Filosofia
• Agnosticisme
• Ateisme
• Umanisme