FANDOM


Richard 1 de England (8 setembre 1157 - 6 april 1199) ia es la re de England de 1189 a 1199. El es a veses nomida Richard the Lionheart ("la cor de la leon") per se coraje. El ia es la fio de Henry 2 de England e Eleanor de Aquitaine. Car el ia es la fio tre, on no espeta ce el ia erita la trono.

En 1168, el ia deveni la duxe de Aquitaine. El ia es un de la xefes de la Crusada Tre contra Saladin, un atenta cual no ia susede. Ma, entre se viaja, Richard ia concista Sisilia e Cipros. Ante departe de Cipros, el ia sposi Berengaria de Navarra, la fio prima de Re Sancho 6 de Navarra. El ia luta en la Batalia de Acre e la Batalia de Arsuf. A la fini, car el no ia pote recatura Ieruxalim, el ia deside reveni a England.

A se viaja a retro de la crusada, Richard ia es caturada par la deutxes. Heinrich 6, la imperor de la Impero Santa Roman, ia demanda un rescate grande de la popla engles. Pos cuando el ia es librida, Richard ia pasa la plu de la resta de se vive en batalias en Frans.

El ia mori de un flexa de un balesta en un aseja de un castel. Se corpo ia es enterada a la Abadia de Fontevraud, prosima a Saumur, Frans, con se padre e madre. Se organos interna ia es enterada a Chalus, prosima a Limoges, Frans. Se cor ia es enterada en la Catedral de Nos Seniora (Notre Dame) a Rouen, Frans.

Richard ia es segueda par se frate plu joven, John.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.