Rio Danubio

From Vici de LFN

La Rio Danubio (de la nom latina, orijinal de la celtica *dānu, per "corente"; en deutx Donau, en polsce e slovacian Dunaj, en magiar Duna, en romanian Dunărea, en norsce vea Duná, en turces Tuna, en elinica antica Istros, en slovenian Donava, en corvatsce Dunav, en serbsce Дунав/Dunav, en balgarsce Дунав, en ucrainsce Дунай, en arabi e farsi دانوب) es la rio la plu longa en la Unia Europan, e la rio du en longia (pos la Rio Volga) en Europa total. El ia es un limita de frontera importante per la Impero Roman.

La orijin de la rio es en la Foresta Negra en Deutxland, de du rios peti, la Brigach e la Breg, ce deveni juntada a la vila Donaueschingen, pos ce el porta la nom de Danubio. El core a la este per un distantia de sirca 2850 km, e pasa tra alga capitales europan, e el vacui final en la Mar Negra tra la Delta Danubio en Romania e Ucraina.

La rio pasa tra (o forma un parte de la bordas de) des nasiones: Deutxland, Osteraic, Slovacia, Magiar, Corvatsca, Serbia, Romania, Balgaria, Moldova, e Ucraina.