FANDOM


La sajia sinifia la sabe e la virtua de un esente. El distingui un person ci es en armonia con se mesma e con la otras, con se corpo e se pasiones (virtuas de modera e de justia), ci ia cultiva se capasias mental ja, en armonia con se atas e se parolas.

En se persepi poplal, la sajia es atribuida a la person ci prende desides razonable, an si los difere de se interesas tempora. La enfantes ci es obedinte e discrete ave la capasia saja.

Istoria Edit

Sajia elinica Edit

Per la filosofistes elinica e en la tradision este, la sajia (sofia en elinica antica) es la ideal de la vive umana. La sajia pote es definida como un state de realia cual fundi se sur un conose de se mesma e de la mundo, el teni compania a un felisia suprema e coresponde a la state de perfeti la plu alta cual la umana e se spirito pote ateni. La sajia es la "sabe es felis" o ancora la siensa de la felisia. Alga vias es posable.

La sajia trajedial de la oscur Heraclito presenta aforismes cual esposa la move eterna de la cosas, la cambia cual forsa nos a rexerca la solves, ajustante se a esta a cual on debe abitua se ("Tu no va bani tu a du veses en la mesma rio") par un conose de la razona de la cosas: "la sajia es fada de un sola cosa: conose la "logos" (=razona) cual ata sempre e en cada partes."

De pos Socrate, model de la sajia antica, la Stoicistes e la aderores de Epicuro defini la sajia como la mestri de desiras par la razona e la conose de cual depende de nos, e de cual no depende. La Sofistes clama la relativia de la veria cual los esplica en la parla, en la debate competos, en la maneja de la retorica, de la lojica e de la resolve de la contradises.

La Academistes rexerca la Bonia Suprema, e Aristotele presenta con cautia la ativias contemplante e teorial per ariva a esta bonia. Socrate predica la refleta, la umilia, la aseta de se iniora, e la respeta asoluta de la leges de la site, en se caso: Atina. Presocratical, Parmenide esamina en un poesia la via de la es, de la no-es, e la posable de un via tre. La Sinicas insiste sur la idea de joia individua, de severia (aseticisme) e de libria. "No asconde me sol" la filosofiste sinica Diogene de Sinope ia dise tal a Alexandro Grande.

Sajia relijios Edit

Sajia este Edit

En Este, ma ance en la Ueste antica, la sajias es alga veses difisil a distingui de la mesuras relijios, spesial car los es praticada (o ia es praticada ja) a la scala de un comunia de individuas avente la mesma pensa. Buda pote per esemplo es regardada como un mestre de sajia o ance como la fundor de un relijio.

Esta consideras de sajia no es stranjer a la pensa ueste. On retrova esta consideras en la pensa de autores tan diversa como la filosofiste Confuzi, Laozi, la prinse e dramiste indian Sudraka, o la poesiste e matematiciste farsi Omar Khayyam.

Sajia cristian Edit

La sajia cristian de la Anticia tarda e de la Eda medieval no evita esta ambigua: la monces prima, como la filosofistes plu tarda (San Augustino, San Tomas de Acuino...) ia punta ja esta, crusante se fide relijios con la ideal de sajia, e a alga veses referente clar a la filosofistes elinica e roman.

La comunias moncal ance la plu frecuente ia es fundida par la sajas (en la sense clasica de la terma). La autores de serta libros de la Biblia, Qohelet, tal ce la "libro de la Proverbos", identifiada a la Re Salomon ia nuri la refletas relijios sur la sajia ja multe.

Sajia moderna e pos-moderna Edit

A comensa de la sentenio XVI, la moves como la umanisme, e a plu pos la Filosofia de la Luminadas comensa a constitui otra sajias, proposante la boni de la state umana par la fide en la razona, e la dana de la dogmas relijios. Montaigne recomenda la reveni a la sajia antica, esplicante ce la gusta per la plaser epicurea es sola un ama simple per la vive.

Spinoza esplica la sajia par un razona siensal cual afirma la potia de ama e de joia a fas de la desordina turbante de la pasiones. Nietzsche proposa reveni a la consepi de Heraclito de un sajia trajedial fundida sur la aproba de la realia (amor fati: la ama de la destina). En la sentenio XIX, la Positivistes como Auguste Comte prende spesifada se dirijer a la progresa tecnical e asosiar la sajia a la siensa, movente reatas de la parte de la relijioses e de la misticas.

An tal, e cuando simil la individuisme se ia developa en la asosias de Ueste, la sajias (en tan multe ce vias de boni de la Om par la individua) ia declina en la mesma tempo, suplantada par la prinsipes puntante a cuietir la pasiones de la jenero umana par medio de solves global, frecuente de ordina economial e/o political (liberalisme, sosialisme, comunisme, anarchisme,...).

La "bancarota", o a la min la retarda potios en causa de esta sistemes, como ance la preda de consensia a sirca de serta problemes (como la degrada de la ambiente par la asosia materialiste), ja ia condui, da alga desenios, a un repare de interesa per la "sajias", en la sense clasica de la terma, en otra parolas la vias permetente a la individua de bonir se par medio de un modo de vive ecuilibrada e de un serta controla de se pasiones en fronte a la mundo esterna.

La rexerca de sajia cuando el es liada a la fenomenos de masa no es an tal refuja contra serta falis como en la move de hippies de la anios 1960-70, o de devias comersial esensal nononesta, esemplo serta "setas", ma de vera mestres spirital continuante de furni de instruis de sajia, tal Swami Prajnanpad e se dispolo franses Arnaud Desjardins, o la pensores instruores como Krishnamurti. Pos un serta fase de manca de interesa de la parte de filosofistes, la sajia de nova deveni presente un tema sentral de la refleta de nos tempo: La Sagesse des modernes (La sajia de la modernas, André Comte Sponville e Luc Ferry), Principes de sagesse et de folie (Prinsipes de sajia e de folia, Clément Rosset), L'Amour de la sagesse (La ama de la sajia, Bruno Giuliani)...

Sajia poplal Edit

La sajia poplal sinifia alga veses la "bon sense" o la capasia a far la elejes parente justa, un sajia pratical de la vive ce no fundi se de nesesada sur la comandas filosofial o relijios.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.