FANDOM


Alessandro di Mariano Filipepi, plu bon conoseda como Sandro Botticelli ("baril poca") (1 marto 1445 - 17 maio 1510) ia es un depintor italian. El ia es de la scola de Firenze entre la Renase temprana. Min ce sento anios plu temprana, Giorgio Vasari ia dise ce esta move ia es un "eda oros." Vasari ia dise esta en la comensa de se "vive" de Botticelli. La padron de la move ia es Lorenzo de Medici.

Nase de Venere

La nase de Venus

Botticelli ia nase en Firenze en la parte de laboreres de la comunia clamada Ognissanti. A prima, el ia es un aprendente per deveni un forjor de oro. Seguente la desiras de se fio, la padre amante ia envia el a Fra Filippo Lippi. Lippi ia labora a un fresco a la Soreria de la Carmina. Lippi ia sintese la metodo nova de tre dimensiones, la espresa tenera de la fas e jesti, e detales ornal eritada de la moda Gotica. Estas ia influe multe Botticelli. Un otra influe ia es la frates Pollaiuolo. Los ia fa un serie de Virtus per la Tribunale (la sala de reuni de la Mercanzia, o la mercatores de stofa). Botticelli ia contribui a esta projeta la Fortia (1470, Galeria Uffizi).

Botticelli ia es ance aprendente de Andrea del Verrocchio, do Leonardo da Vinci ia labora asta el. Ma el deveni conoseda en se Eglesa de Ognissanti ("tota santas), con un depinto de San Augustino. En 1470, el ia abri un studio autonom per se mesma.

Lorenzo de Medici ia emplea pronto la talento de Botticelli. Botticelli ia usa multe la forma sirculal e ia fa multe depintos de femas nuda e bela. La esemplo plu conoseda es la Nase de Venus a la casa campanian de la Medici a Castello. La fusa de temas pagan e crististe e la importantia de estetica como un elemento primal de arte, somada en la filosofia de neoPlatonisme, ia es multe influente a la arte de Botticelli.

Primaver

La Primavera

La Primavera ia es un simbol de la Renase en Firenze. De sinistra a destra, Mercurio, la tre Grasias, Venus, Flora, Cloris, e Zefiro. Nota como Venus sembla un Madona - comun en arte neoPlatoniste. Tota fases es de persones real de la tempo. Poca de la depintos mitolojial de Botticelli supravive.

La Adora par la Majias, creada per Santa Maria Novella sirca 1476, inclui depintos de Cosimo de Medici, se neto Giuliano di Piero de Medici, e se fio Giovanni di Cosimo de Medici.

En 1481, Papa Sixtus IV ia clama ce Botticelli e otra artistes conoseda de Firenze e Umbria veni a Roma per fa frescos a la mures de la egleseta de Sistine. A pos, el retorna a Firenze, do el ia crea desinias per La Comedia Divin de Dante Aligheri, ia scrive comentas per esta libro, e ia publici el. Posable, la labora ia dana se mente, par ce Botticelli ia comensa segue la predicas de Fra Girolamo Savonarola. Botticelli ia abanda se arte par ce el ia crede ce la arte es pecos, e ia arde multe de se pesos. El ia deveni povre, ma se padrones pasada ia suporta el.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.