Arabia Saudia
From Vici de LFN
|
| Bandera nasional |
|
| Loca en Asia |
|
Arabia Saudia es un pais en Asia.
La area es sirca 2,149,690 cilometres cuadrada.
La cuantia de popla, en la anio 2007, es sirca 27,601,038 persones.
La site capital es Riad.
La lingua major es arabian.
La area ave progresa en economia par se reservas vasta de petrolio, e gas natural, trovada xef en la area longo la golfo farsi. Sites major inclui Riad e Meca en Arabia Saudi .
Arabia sude ueste ia ave tre renas temprana. La prima, La Minaean, probable ia esiste de sirca 1200 a 650 AEC. La rena du , la Sabaean, ia esiste de sirca 930 a 115 AEC. La rena himiaritan ia dura de 115 AEC a 525 EC.
La emerji de Islam ia es la aveni la plu importante en la istoria de Arabia. Mohamed ia es naseda en Meca sirca 570 e ia mori en Medina en 632. Cuando la armada arabi ia concesta la areas vasta en la desenios seguente, Islam ia sperde tra Africa norde e la penisola espaniol. La sentra de Islam ia move de Meca a Bagdad en 751, e Arabia ia basi en importa. En 1269 Meca e la area de al- Hijaz ia veni su la controla de Misre.
Cuando la armada turces ia concesta Misre en 1517, los pone un potia grande en Arabia. Un partida relijios clamada la uahabis ia emerji en Arabia sirca 1750. Los ia stimula la spirito nasional e la dispute contra la turceses. La defeta de Turcia par la Aliadas en Gera Mundal Prima ia resulta en se esclui de Arabia.
Ses anios de gera interna ia eruta entre la uahabis, gidada par Abdul Aziz ibn Saud, e seguores de otra prinses arabi e xeces. En 1934 Ibn Saud ia gania controla sur la parte major de Arabia.
