FANDOM


230px-MercMorphea

Marcas a la pel, tipal de scleroderma

Scleroderma es un maladia autoimune cronica marcada par fibrose, alteras vasculal, e autoanticorpos. Ave du formas major:

Scleroderma sistemal limitada ave marcas cutanea a la manos, brasos, e fas. El ia es clamada la sindrom de CREST, la leteras referente a calsinose, la fenomena de Raynaud, malfunsiona de la esofago, sclerodatilia, e telanjiectasias. Plu, ipertensa ce la arterias pulmonal aveni en asta un tri de pasientes, e es la complica la plu grave per esta forma de scleroderma.

Scleroderma sistemal sperdeda progresa rapida e afeta areas grande de la pel e un o plu organos internal, comun la renes, esofago, cor, e pulmones. Esta forma de scleroderma pote es multe descapasinte. Ave no tratas per scleroderma se mesma, ma la complicas de organos pote es tratada.

Otra formas de scleroderma inclui scleroderma sinal sistemal (ce no ave alteras a la pel), e du formas plu limitada ce afeta la pel ma no la organos internal: morfea e scleroderma linial.

Prognose es jeneral bon per pasientes con scleroderma cutanea limitada ce evade complicas pulmonal. Prognose es plu mal per la maladia cutanea sperdeda, spesial per persones plu vea e per omes. Mori aveni plu frecuente de complicas a la pulmones, la cor, e la renes. Per la forma sperdeda, la proportio de supravive per sinco anios es 70%, e per des anios 55%.

La maladia afeta la arterioles (vasos peti de sangue). Prima, la selulas endotelial de la arterioles mori, con la selulas de musculos lisa, par apoptose (mori programada de selulas). Los es sustituida par colajeno e otra materias fibros. Selulas inflamante, spesial selulas aidante T CD4+, invade al arteriol e causa plu dana.

La causa de scleroderma no es conoseda. El es trovada en familias, ma la jenes no es identifiada. Multe de la siniales de inflama e protein destruinte ia es identifiada, e los es la ojetos potential per medisines ce pote interompe la prosede.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.