FANDOM


220px-Carswell-Multiple Sclerosis2

Un desinia cual mostra scleroses de la tronceta de la serebro

Sclerose multiple es un maladia autoimune cual dana la gainas de mielin grasosa cual envolve la asones de la nervos de la serebro e la medula spinal. Car la envia de siniales tra la asones longa nesesa la gaina de mielin, la neurones no pote opera bon en pasientes con sclerose multiple.

Sclerose multiple ia es prima descriveda en 1868 par la mediciste franses Jean-Martin Charcot.

La maladia comensa normal en adultia joven e es plu comun en femes. Entre 2 e 150 persones de 100 000 developa lo. On diagnose lo par la sicatrises (nomida "scleroses") en la materia blanca de la serebro e medula spinal. La causa no es conoseda, ma teorias suspeta jenetica e infetas. On ia trova ance alga riscas ambiente.

La maladia es acompaniada par multe sintomes neurolojial, e lo mali comun per inclui descapasias fisical e mental. Sclerose multiple ave formas diversa. En alga, la sintomes aveni en atacas separada, e en otras, la sintomes cumula lenta tra tempo. Entra atacas, la sintomes pote desapare completa, ma problemes neurolojial permanente aveni frecuente, spesial con la avansa de la maladia.

On no ave un remedia per sclerose multiple. Tratas atenta recovre funsionas pos un ataca, preveni atacas nova, e preveni descapasia. La medisines usada pote ave mal efetos, e multe pasientes xerca tratas alternativa, an si los ave suporta siensal minimal. Prognose es difisil e depende de la tipo de la maladia, la cualias de la pasiente individual, la sintomes a la comensa, e la grado de descapasia. La longia de vive de pasientes es cuasi la mesma como persones nonafetada.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.