FANDOM


Senerela

Senerela (engles: Cinderella, franses: Cendrillon, espaniol: Cenicienta, italian: Cenerentola, deutx: Aschenputtel, rusce: Золушка) es un nara de fes antica e poplal.

La nara fundal es de un fem joven ci vive en un situa de miseria: Se madre es mor, e se padre ia resposi un fem basa. Esta fem fa Senerela servi la familia como un sclavo. Un dia, Senerela es visitada par se madrin en la forma de un fe. La madrin, par majia, dona Senerela un roba bela e otra cosas afin el pote vade a un dansa a la castel. La madrin dise a Senerela ce el nesesa departi de la castel ante medianote, o el ta deveni denova un fem povre. La prinse de la pais dansa con Senerela e comensa ama el. Ma, a medianote, Senerela core de la castel. Sola se sapato peti resta a la castel! La prinse, volente trova Senerela, comanda se servores fa tota femes joven de la rena atenta porta la sapato peti. Natural, sola Senerela ave pedes tan peti! Los sposi, e vive sempre felis.

Multe varias es creada tra la edas, incluinte filmas moderna. Un esemplo es la filma Pretty Woman ("fem bela"), en ce la eroin es un prostituida ci deveni amada par un om rica. Orijinal, la nara de Senerela ia instrui fias como, si los es bon e grasios, los va es recompensada par ama. Oji, la nara es videda como un nara de espera falsa de fias ci pensa ce se problemes va es solveda par un om spesial. La fem moderna no debe depende de un "prinse," ma nesesa fa se vive propre.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.