FANDOM


Sitting Bull
Tȟatȟáŋka Íyotȟake
Sitting-bull2
Pais
Profesa
Dia de nase sirca 1831
Loca de nase Grand River, Dakota Territory
Dia de mori 15 desembre 1890
Loca de mori Standing Rock Indian Reservation, Grand River, South Dakota

Sitting Bull ("bison mas sedente", sirca 1831 a 15 desembre 1890) ia nase en Teritorio Dakota. El ia es nomida Jumping Badger ("texon saltante"). Cuando el ia ave 14 anios, el ia acompania un grupo de gerores lacota ci ia prende du cavalos de un campo de gerores cro. Car el mostra coraje en la ataca, se padre ia dona un festa de selebra a cual se padre ia nomi el, pos se mesma, Tȟatȟaŋka Iyotake o, en engles, Sitting Bull. A la seremonio, se padre ia dona se fio un pluma de agila per porta en se capeles, un cavalo cual conveni un geror, e un scermo de cuoro durida de bison, per marca se fios pasaje a adultia como un geror lacota.

En setembre, Sitting Bull e sirca un sento hunkpapas (un sugrupo de la lacota) ia ataca un grupo peti prosima a un loca cual es aora Marmarth, Dakota Norde. La hunkpapa ia continua ataca grupos de migrores e fortreses en la anios tarda de la desenio 1860. Cuando la Northern Pacific Railway ("ferovia de la pasifica norde") ia condui un supravide per trova un via tra la plano norde cual ta traversa la pais de la hunkpapas en 1871, los ia encontra resiste forte par la lacotas.

Cuando la comandor militar american, George Custer, ia anunsia la trova de oro en la Black Hills ("colinas negra") de Dakota Norde, un "freta de oro" ia comensa. La tensas entre la lacota e la blancas ci vole move a la Black Hills ia crese. En novembre 1875, la governa ia comanda ce tota grupos de lacota debe move a la Great Sioux Reservation (la reserva grande de lacota), an si los ia conose ce los va resiste. A 1 febrero 1876, la Departe de la Interna ia declara la grupos de lacota ci abita estra la reserva como enemin.

La refusa par Sitting Bull per adota cualce depende de la governa SUA ia resulta ce, a veses, el e se banda peti de gerores ia nesesa abitua isolida sur la plano. Cuando americanes orijinal ia es menasada par la SUA, multe membros de grupos lacota e otra tribus, como la tsêhéstáno (xeien) norde, ia veni a la campa de Sitting Bull. Se reputa per "medisin forte" (potia spirital) ia developa en cuando el ia continua evita la armada american.
Sitting-bull

Tra la dui prima de 1876, la campa de Sitting Bull ia continua crese con otras ci junta con el per la securia de cuantia. Se xefia ia atrae gerores e familias, e ia crea un vileta estendeda estimada como plu ca 10,000. Custer ia descovre esta campa a 25 junio 1876. An si Sitting Bull no ia partisipa direta en la batalia, el ia ata como la xef spirital.

Sitting Bull ia ave un previde en cual el ia vide multe soldatos, "tan densa como locustas", cade inversada en la campa de la lacota, cual se seguores ia vide como un previde de un vinse major en cual multe soldatos va es matada. Un semana ante la ataca, el ia dansa la dansa de la sol, en cual el juna e sacrifia plu ca 100 pesas de carne de se brasos.

25 junio, 1876, sirca tre semanas plu tarda, la grupo avansada de la cavaloria sete de Custer ia ataca la xeienes e lacotas a se campa a la rio Little Bighorn (corno grande peti), cual la lacota ia nomi "rio de erba grasosa. La armada american no ia conose ce la campa ia es tan grande. Plu ca 2000 gerores orijinal american ia parti de se reservas per segue Sitting Bull. La soldatos, plu poca en cuantia, ia perde se locas rapida e debe retira. La gerores ia comensa un contra-ataca contra la soldatos sur un cresta prosima, e ia

La selebras de la lacotas no ia continua longa. La xoca e coleria de la publica american sur la defeta e mata de Custer e la conose par la governa sur la loca de la lacota ia resulta en la asinia de miles plu soldatos a la area. La militar ia xasa la lacotas tra la anio seguente, e ia forsa la sede de multe lacotas. En maio 1877, Sitting Bull ia gida se grupo ultra la borda a Canada e ia resta escluida per cuatro anios prosima a Monte Wood. Car la manadas de bison en Canada ia es plu peti, los ia ave difisiles per trova comedas sufisinte per se popla, ci ia es faminte e multe fatigada.

Ultima, fame e despera ia forsa ce Sitting Bull e 186 de se familia e seguores reveni a la SUA e sede se a la armada american a julio 19, 1881. La armada ia move Sitting Bull es se grupo a Fortres Yates, a lado de la Ajenteria de Standing Rock ("roca stante"). Esta reserva monta la borda presente entre Dakota Norde e Sude.

En 1884, un promovor de presentas nomida Alvaren Allen ia demanda a ajente James McLaughlin per permete ce Sitting Bull turi partes de Canada e la SUA norde. En esta turi, Sitting Bull ia encontra Annie Oakley en Minnesota. El ia senti ce Annie Oakley ia posese un donada supranatural cual permete ce el fusili tan esata con ambos manos. Esta ia resulta en se adota de Annie Oakley en 1884. El nomi el "Little Sure Shot" ("fusili serta peti"), un nom cual Annie Oakley ia usa tra se carera.

En 1885, Sitting Bull ia es permeteda sorti la reserva per vade con Buffalo Bill Cody, un otra promovor de presentas, en un turi. Sitting Bull ia resta con la presenta per cuatro menses ante reveni a la reserva. La popla ia vide el como un selebrada e un geror romantica. El ia gania un monton peti de mone par demanda un paia per se foto e suscrive, e ia dona la plu parte a mendicores e povres sin casa.

En 1890, la ajente James McLaughlin, ia teme ce Sitting Bull ia fuji la reserva. A desembre 15, 39 polisiores ia ensirca se casa, bate, e entra. Teninte Bull Head ia esplica a Sitting Bull ce el ia es arestada e ia condui el a estra. Un luta streta ia aveni e en minutos, alga omes ia es mor. La lacota ia mata ses polisiores pronto, e du plu ia mor prosima pos la luta, incluinte teninte Bull Head. La polisiores mata Sitting Bull e sete de se seguores e du cavalos.

La corpo de Sitting Bull ia es traeda a Fortres Yates, do lo ia es poneda en un cason funeral e enterada. Un monumento ia es instalada per marca se loca de entera pos se corpo ia es traeda a Dakota Sude. En 1953, membros de la familia lacota ia desentera lo cual los ia crede es se corpo, e transporta lo per reentera prosima a Mobridge, Dakota Sude, se loca de nase. Un monumento ia es erijeda ala per onora el.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.