FANDOM


Sona es un lingua aidante internasional creada par Kenneth Searight e descriveda en se libro publicida en 1935. La parola sona en la lingua sinifia un cosa neutral e aidante, e eco parolas como sona en multe linguas european.

Searight ia crea sona per coreta la eurosentrisme de otra linguas "natural" de se eda, como esperanto e ido. Ance, el ia intenda ce sona es plu pratical ce la linguas "lojical" como solresol e ro.

La lingua ave 375 radises, fundada en la tesoro orijinal de Roget. Otra parolas es creada par junta esta radises. Per esemplo, ra (mas) plu ko (enfante) deveni rako (xico).

La libro par Searight - Sona: an auxiliary neutral language - es la sola esemplo de la lingua. Ave un comunia peti a la interede ce es interesada en revive e usa de sona.

Spele e pronunsiaEdit

La alfabeta per sona ave 24 leteras, pronunsiada como en elefen, con esta esetas:

  • y ave du sonas:
    • ante vocales, como [j] (i consonantal)
    • otra veses, como [ə] (la vocal sentral comun en engles e franses)
  • c como [tʃ] (tx en elefen)
  • j como [dʒ] (dj en elefen)
  • k como [k] (c en elefen)

DeterminantesEdit

  • en - la (sola per asentua la parola)
  • enna - un (ma sola per indica la cuantia)
  • in - esta
  • un - acel

Un e in es ance usada per indica move a e de:

  • inru - veni asi
  • unru - vade a via
  • inyibi - compra
  • unyubi - vende

Otra determinantes:

  • he - alga
  • cien - serta
  • o - onorable (pe o ra - senior, o min - entra, per favore)
  • ha - per cambia un parola a un nom propre

Ha es ance usada per crea esclamas:

  • baha! - pum!
  • joha! - o dio!
  • ruha! - vade!

NomesEdit

PersonesEdit

  • ra - mas, om
  • zan - fema, fem
  • -nin - projenia de...
  • -ci - on ci fa...
  • -ji - person, on ci es...

CosasEdit

Alga nomes de cosas es simple un radis: bo (carne), di (parte), mo (fruta), te (mano), pe (pede). Ma sona ave ance afisas per distingui un radis nomal de un radis verbal:

  • -na - neutra, cosa; nonorganal
  • -ga - neutra, cosa; organal

Pe: tena (un estende) ma tega (bras). Como un prefis, ga- sinifia alga cosa de la corpo, pe, gase (oio).

  • -bi - strumento, util, aparato, macina

Pe: cebi (clave), tebi (manico)

LocasEdit

  • -a - un loca fisada
  • -ma - un loca plu jeneral
  • -ca - un area, retangulo, paje, cuadro
  • -kan - un casa, construi

Pe: dia (sal), dima (distrito), dica (area), dikan (aparta).

Nomes astrataEdit

  • -ri - ora, tempo
  • -ne - de (astrata), nom de un state
  • -da - fa, nom verbal
  • -vi - cualia, nom de cualia

Pe: kari (media-dia), kane (xefia), kada (gida), kavi (superioria).

GradosEdit

  • -ta- - grande, -on
  • -ko- - peti, -eta
  • -xa - aprobada, cara
  • -ze - nonaprobada, mal

NumerosEdit

La cuantia de un nom no es sempre indicada, e nunca pos un numero. Pluralia pote es indicada par la sufisa -e. La prefisa e- sinifia multe, cada, o frecuente.

  • 1 enna
  • 2 do
  • 3 tin
  • 4 ca
  • 5 pen
  • 6 xi
  • 7 zun
  • 8 atu
  • 9 nun
  • 10 dici
  • 100 son
  • 1000 tan
  • 11 ennadici o endici
  • 12 dodici
  • 20 doyedi
  • 26 doyedixi

Sona ave un morfema -na ce opera como la xines clasintes: cana ibo (cuatro "testas" de boves), atuna velen (oto "pajes" de paper), etc.

  • -gi - -uple
    • pe, dogio - duple
  • -o - numero... (ordinales)
    • pe, doyo - numero du
  • ko- - punto (per numeros su 1)
    • pe, kotin - .3
  • -na- - zero (per numeros su 1)
    • pe, konanatin - .003
  • e- - ves(es)
    • edo - tre veses

AjetivosEdit

Un nom ante un otra nom cualis o defini el, ma un ajetivo "vera" es formada con la sufisa -(y)o, pe tayo (grande), kanyo (de casa), suo (acual, acuin).

Per compara ajetivos:

  • in ne un aka (esta es plu alta ce acel, leteral "esta ce acel alta")
  • un aka ne pan (acel es la plu alta, leteral "acel ce tota alta")

Otra formas per compara:

  • eta - plu
  • eko - min
  • en eta - la plu
  • en eko - la min
  • ta- multe, vera (averbo)
  • ko- alga (averbo)

PronomesEdit

Un pronom ce es la sujeto de un frase presede, o es prefisada a, la verbo. Un pronom ce es la ojeto segue, o es sufisada a, la verbo. La ojeta direta segue direta, e la ojeta nondireta segue pos la ojeta direta. Un pronom pote presede, o es prefisada a, un nom per indica posese.

singular plural
mimemienos.
tututuevos
onel, se (mas)onyelos, se (mas)
anel, se (fema)anyelos, se (fema)
enel, se (neutra)enyelos, se (neutra)
tilos, se (jeneral)
inestainyeestas
unacelunyeaceles
enacadapantota
inuotraenucada otra
asila mesmaisila un la otra
sion, se mesma, se propresiese mesmas, se propre (plural)

La pronom de relata es ci (cual). El pote refere a un person, cosa, loca, tempo, modo, spesie, o cuantia:

  • ra ci - la om ci
  • ti ci - los ci
  • ri ci - cuando
  • u ci - como

Como un prefisa, ci- sinifia "alga" o "tan":

  • ciji - algun
  • cina - alga cosa
  • cia - alga loca
  • cie - tan multe

DemandasEdit

Demandas es formada con la usa de -ke-- (ce?). Como un prefisa, el forma un demanda direta:

  • keji - ci?
  • kena (o ke) - ce?
  • keci - cual?
  • kesi - de ci?
  • keya - do?
  • keri - cuando?
  • keori - ce ora?
  • keu - como?
  • keua - per ce?
  • keta - cuanto (nomes de masa)?
  • keye - cuanto (nomes contable)?
  • kevi - ce, ce spesie de?

Como un sufisa, la parola presedente deveni un demanda:

  • onke ari vadiri - el veni doma (o un otra person)?
  • on arike vadiri - el veni doman (o el no veni)?
  • on ari vadirike - el veni doman (o un otra dia)?

NegaEdit

La nega es formada par na-:

  • naci - no cosa
  • nayo - no
  • nau - no modo
  • nali - no pote
  • minasa - me no sabe
  • etc

La prefisa non- indica la oposa:

  • nondinyo - nonselebra

PreposadasEdit

Sona ave multe radises per usa como preposadas:

  • -li - a (un dirije)
  • -dili - per
  • a- - a (un loca)
  • ne - de (un dirije)
  • bi - par
  • vi - de (posese)
  • di - de (un parte de)
  • etc

Sona ave ance un preposa jeneral po (su, asta, a, en, per...) per usa en casos ambigua.

VerbosEdit

Un esemplo: ru (move)

infinitivojeneralda ruvade
intendeua da ruce on intende vade
pasadada to ruce on ia vade
futurda va ruce on va vade
comandaruha, ruvade!
permeteda mi rulasa me vade!
partisipioruci(o)vadente
averboduranteruien cuando on vade
completadarutoipos cuando on vade
comunpresenteruvade
pasadarutoia vade
presente perfetato ruvade ja, ia vade ja
pasada continuanteto ruciia es vadente
pasada perfetato rutoia vade ja
ipotesalprobableva to ruta vade
posablefa to ruta pote vade
futurintendeva ruva vade
posablefa ruva vade posable

Sona ave tre "verbos aidante":

  • ka- - causa
  • -ka - condui, gida
  • -ba - forte
  • -ru - vade, prende

Un otra radis usos es -ni-. Como un prefis, el indica capasia. Como un sufisa, el indica la pasiva:

  • nika - concista
  • tu nike ru? - tu pote vade?
  • runi - es moveda
  • da en sani - fa ce el es conoseda

Otra afisas verbal inclui:

  • -ki - comensa (pe, ruki - comensa vade)
  • -ta - aumenti (pe, ruta - viaja)
  • -ko - diminui (pe, ruko - pasea lenta)
  • -fi - falta (pe, rufi - malpasi)
  • -ire - repete (pe, ruire - vade e vade...)

FonteEdit

Kenneth Searight (1935) Sona: an auxiliary neutral language. Publicida a la interede par Richard K. Harrison a http://www.rickharrison.com/language/sonabook.html

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.