FANDOM


Sulocateninte Ses (partes)

de Jurij Tinjanov

tradui par Gary R. Miller

Sulocateninte Ses (rusce: sulocateninte cie) es publicida en 1928. El es un narada de un tema plu favoreda de autores rusce, “la person poca”, esta es, un person normal, ci se trova en caso nonnormal. Scriveda entra Comunisme, el mostra ance stupidia de la res rusce. La autor de musica rusce Procofiev ama la narada e fa un opera de el. Per ce el ance dona un viaja tra neva con troica, liscador tirada con tre cavalos, alga poplas considera el un narada de tempo de inverno o de tempo de festa de nase de Cristo.

La re ia dormi asta a un fenetra abrida. Entra un ora pos come, cuando la comeda luta con la corpo, cada cosa ce interompe la dormi es proibida. En un senta con un dorsa alta e scermos da la venta a tre lados, la re ia dormi con la sonia usual de poscome.

Subita, el leva con oios completa abrida. El regarda tra la fenetra de la palais, sin respira a causa de comeda e de anoia.

Su el fenetra, alga un cria “Aida!”

En la ofisia, un arcivor militar ia reseta puni e ia envia a la tera de neva.

La arcivor nova—vera joven—senta asta table, scrivente. Se manos trema, per ce es tarda. El debe fini un copia de comandas a la divide esata a la ora ses, per ce la ofisior aidante pote porta esa a la palais, cuando, pos el colie esa con otra copias simile, la aidante de la re pote dona esa a la re esata a la ora nove. Tardia es un crime. El ia fa du eras: El ia scrive ce sulocateninte Sianos ia mori; e en loca de scrive “Sulocatenintes es la gardores,” el ia scrive, “Sulocateninte Ses es la gardor.”

Esta modo, cuando la soldata servinte veni per la reporta per la aidante, la arcivor regarda rapida la orolojo e estende a el la paper con sulocateninte Ses.

Esata a la ora nove, la campana sona en la palais. La re ia tira esa corda. Esate a la ora nove, la aidante de la re entre con la reporta usual per la re.

La re ia es colera. Ier entra la dia entier, no un trova ci ia cria “Aida” su la fenetra.

La re ia scrive: “Locateninte Ses es la gardor.”

Pos el reseta la comandas, la comandante atenta per multe oras recorda, cual locateninte ave la nom strana “Ses”. El pronto prende la lista de ofisiores de la divide, ma el no trova tal nome entra la ofisiores.

La ecipo de sulocateninte Sianos ia es limpa e sin macia a tota tempo.

Entra la leje de la comandas a la divide, Sianos sta como usual: perfeta reta e pensante de no cosa.

Subita, el oi se nome. “Pone la nome de locateninte Sianos a la lista de la moridas.”

A esta ora, la comandante, pos la leje de la comandas, regarda la loca do a tota tempo Sianos sta. La paper cade da mano.

Sianos conose ce la parolas es de el. E, cuando el alterna veni, el comensa duta ce el vive. Pare, ce el vive ance causa de alga era en la comandas.

El ruina cada esersita, per ce el sta como polo supra la campo. El no pensa de vader.

La aidante pasea con confide.

“Tu Masima Real, sulocateninte Ses ia cria “Aida”.

“Demanda sever el e, pos colpa el, envia el a la tera neva.”

A esta modo, la vive de sulocateninte Ses comensa.

Pos esta ora, la colpas e la viaja a la tera de neva es un parte de se person. La comanda ia debe ati.

La re ia fa domesticos la jenerales e la governores. Per ce? El ia senti vacuida grande sirca se. A cada parte sirca el ia es nonfidelia e vacuida.

El ia aperi un om sin familialores e jenitores. El ia deveni un amante grande de natura, e el ia vole reveni de ama da cada un o de alga un.

El ia tende un mano a se pen. “Sulocateninte Ses, enviada a la tera de neva, debe reveni e deveni locateninte plen e sposi a un fema de la palais.”

Pos locateninte Ses reveni da la tera de neva, multe persones conose de el. El es la locateninte ci ia cria “Aida” su fenetra de la re e reseta puni e envia a la tera de neva e pos esta reseta pardona e deveni locateninte plen.

Entra el ia regarda tra la lista de la divide, un ves la re trova acaso la nome de locateninte Ses e dona a el la state de capitan, e un otra ves de colonel.

A esta ora, el comanda la entier divide.

Entra tempo longa, la rituo de la entera de jeneral Sese es en recorda.

La divide pasea con banderas levada. Tredes caros segue. La re ia dona la comanda per esta. Ornadas e premios militar es portante supra cuxines. Pos la corpo, el sposa vade, gidante un enfante.

El plora.

Cuando la prosede vade ante la palais, la re vade a la ponte levada e salute con spada.

“Me omes plu bon mori.”

Pos la caro ultima pasa, el sita con la lingua Latina: “Sic transit gloria mundi.”

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.