FANDOM


Sur la Gera de Galia
Julio Cesar

Tota la Galia es divideda en tre partes: la parte un es abitada per la beljes, la parte du, per la aquitanes, e la parte tre per la popla nomida celtas en sua lingua e galos en la nosa. Tota esta es diferente en lingua, instituis e leges. La galos es separada de la aquitanes per la rio Garona, de la beljes per la Marne e la Sena. De tota esta poplas la beljes es la plu corajosa, per ce los es la plu distante de la cultura e sivilia de la Provinse, e min visitada per la mercatores ci ta pote debili sua coraje; los es visina de la germanicas, ci abita ultra la Reno, e constante batalia contra los. Per causa de esta, la helvetianes esede la resta de la galos en coraje, per ce los luta dial contra la germanos, o per esclui los de sua teritorio o invadente sua teritorio. La parte ja refereda abitada per la galos comensa a lado de la Reno, e limita con la Garona, la mar, e la teritorio de la beljes; lo estende se ance per la teritorio de la secuanes e de la helvetianes asta la Reno, en dirije a la norde. La teritorio de la beljes, comensante en la limite de la Galia, estende asta la parte basa de la Reno, en dirije a la norde-este. Aquitania estende se de la rio Garona a la Montes Pirineo e de eta parto de la mar cual bani Espania, en dirije a la norde-ueste.