FANDOM


La lingua tahiti es la lingua de la Isola Tahiti e otra isolas prosima de Polinesia Franses. El es un lingua de la familia polinesian, e es relatada prosima a la lingua maori de Zeland Nova, la lingua maori de la Isolas de Cook, e la lingua hauaii. Per esemplo (fonetical):

ElefenTahitiMaoriMaori de la Isolas de Cook
sielo ɾaʔiɾaŋiɾaŋi
vento de norte toʔeɾautokeɾautokeɾau
fem vahinewahinevaʔine
casa faɾeɸaɾeʔaɾe
madre metua vahineɸaeametua, ma:ma:
padre metua ta:nematua, pa:pa:matua, pa:pa:

Spele e pronunsia Edit

Tahiti ave sola des-cuatro fonemes - nove consonantes e sinco vocales. La vocales ave formas corta e longa, la longa indicada par un supralinia.

Letera Nom
a ’ā
e ’ē
f
h
i ’ī
m
n
o ’ō
p
r
t
u ’ū
v
’eta

Los sona como en elefen. 'eta indica un consonante plosiva glotal ([ʔ]).

Esta tables mostra la sistem fonetica de tahiti:

Consonantes
  Bilabial Labiodental Alveolal Glotal
Plosiva p t   ʔ
Nasal m   n    
Vibrante     ɾ  
Fricativa   f v   h


Vocales
  Anterior Posterior
Alta i u
Media e o
Basa a  


Diftongos:

  • ai: [aj], simil a elefen "ai".
  • ae: [aɛ], simil a elefen "ae"; cuando destenseda [ɛ], simil a elefen "e".
  • oi: [œi], simil a elefen "oi".
  • ao: [oʊ], simil a elefen "o".
  • au: [aw], simil a elefen "au".

Nomes Edit

La presente de un determinante ante un parola indica ce la parola es un nom.

Pluralia de nomes es indicada sola par la paricula mau entre la article e la nom. Tahiti no indica pluralia con afisas.

Pronomes personal Edit

La pronomes de tahiti ave varios per la tre persones e tre numeros - simple, duple, e plural:

Pronomes personal
  Simple Duple Plural
Persona un vau,
au,
-’u
tāua1,
māua2
tātou1,
mātou2
Persona du ’oe ’ōrua ’outou
Persona tre ’ōna,
’oia,
-na,
ana
rāua rātou


1 incluinte (me/nos e tu/vos)
2 escluinte (nos ma no tu/vos)

Determinantes Edit

Ave multe determinantes en tahiti. A su es la determinantes plu importante: la articles, la determinantes de indica, e la determinantes de posese:

Ave modas varios de forma la articles. "La" es normal te (te ’oire - "la site"); "un" es normal te hō’ē (te hō’ē ’oire - un site). Per cosas duple, on usa (nā mata - "la oios"). Per la plural, on ajunta mau ante la nom (te mau fare - "la casas"; te hō’ē mau fare - "alga casas"). Tahiti ave ance un article personal ’o (E fa’ehau ’o Rui - "Luis es un soldato")

Esta table mostra la articles plu comun:

Articles
  Simple Duple Plural
Defini te,
t-
nā,
n-
te mau
Nondefini te hō’ē - te hō’ē mau,
Personal ’o - -


La determinantes de indica ave formas per cosas distante e prosima, e un forma plu ambigua:

Determinantes de indica
  Simple Plural Neutral
Prosima teie,
te’ie,
tēnā
teie mau,
te’ie mau,
tēnā mau
teie
Distante terā,
tēnā
terā mau,
tēnā mau
terā


Tahiti distingui tre formas de determinantes de posese: Un forma forte, ce indica ce la cosa es juntada forte a la person o cosa (tōna pape - se acua, la acua de la rio); la forma debil, ce indica ce la cosa es juntada debil a la person o cosa (tāna pape - se acua, la acua ce el beve); e un forma neutral. Per crea la pronom de posese, on pone un article (te, te mau) ante la determinante de posese.

Determinantes de posese
  Posese forte Posese neutral Posese debil
Persona un tō’u ta’u tā’u
Persona du tō’oe tā’oe
Persona tre tōna tana tāna


NumerosEdit

  • tahi, hō’ē - 1
  • piti - 2
  • toru - 3
  • maha - 4
  • pae - 5
  • ono - 6
  • hitu - 7
  • va’u - 8
  • iva - 9
  • hō’ē ’ahuru - 10

Verbos Edit

Tahiti ave multe particulas per indica la moda, aspeta, e tempo de verbos. La moda e aspeta es plu importante ce la tempo, ce es indicada frecuente sola par la situa. Otra averbos ajunta plu detalia a la verbo.

Marca Sinifia
’a Comanda
’ua Perfeta
e Nonperfeta
tē... nei, tē... ra Progresante
’ia Desirada
i... na Presente perfeta
mai Prosimia spasial
ana Sinifia jeneral - usas varios
ai Dependente
hia, a Pasiva

Per esemplo:

  • ’ua tae mai te pahī i te hora piti - "La barco ia ariva asi a la ora du".
    • tae - verbo "ariva"
    • ’ua - perfeta
    • mai - la ata aveni prosima spasial
    • te pahī - la nom "la barco"
    • i te hora piti - "a la ora du"

Ordina de parolas Edit

La ordina de parolas es verbo-sujeto-(ojeto/completante). La ojeto es introduida par la preposada i. Per esemplo:

  • ’ua ’amu ’o Tama i te i’a ("Tama ia come la pex", leteral "ia come Tama la pex")
  • ’ua hopu vau i te miti ("Me ia bani en la mar", leteral "ia bani me en la mar")

Per construis nonpersonal, tahiti usa ’ua ta’ata ("on", "ave").

Espresas comun Edit

Tahiti Elefen
Maeva Bonveni
’ia ora na ’oe Bon dia, alo
Pārahi Adio
Māuruuru Grasias
’ē, ’ae Si
’aita, e’ita, e’ere No
Maita’i Bon
Fare Casa
Popa’ā Stranjer blanca

Fonte Edit

Vicipedia espaniol: http://es.wikipedia.org/wiki/Idioma_tahitiano

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.