FANDOM


Lineo

La tasonomia de Lineo, o clasi biolojial, es un metodo par cual biolojistes clasi organismes par tipos biolojial, como jenero o spesie. La orijina de clasi biolojial es en la laboras de Carolus Linnaeus (o Carol Lineo), ci ia clasi spesies seguente cualias fisical. Esta clasis ia es revisada pos la laboras de Charles Darwin per segue la prinsipe de desende comun. La analise de ADN ia causa revisas plu resente, e va continua probable.

On ave oto niveles major: domina, rena, filo (o divide), clase, ordina, familia, jenero, e spesie. Spesie es la plu importante, e descrive jeneral un clasi de viventes cual pote reprodui la un con la otra.

SufisasEdit

Grado Plantas Algas Fungos Baterias Animales
Divide/Filo -phyta / -fita -mycota / -micota
Sudivide/Sufilo -phytina / -fitina -mycotina / micotina
Clase -opsida / -opsida -phyceae / -fisea -mycetes / -miseta -ia / -ia
Suclase -idae / -ida -phycidae / -fisida -mycetidae / -misetida -idae / -ida
Supraordina -anae / -ana
Ordina -ales / -ala
Suordina -ineae / -inea
Infraordina -aria / -aria
Suprafamilia -acea / -asea -oidea / -oideo
Epifamilia -oidae / -oido
Familia -aceae / -asea -idae / -ido
Sufamilia -oideae / -oidea -inae / -ino
Infrafamilia -odd / -odo
Tribu -eae / -ea -ini / -inio
Sutribu -inae / -ina -ina / -ino
Infratribu -ad / -ado

Jenero e spesies Edit

Un vivente es normal indicada par du nomes – la jenero e la spesie – o par tre nomes – jenero, spesie, e suspesie. La jenero es normal un nom e comensa con un letera major. La spesie (e suspesie) pote es un nom, un ajetivo, o an la nom propre de la siensiste ci ia descovre o clasi orijinal la vivente, e lo comensa con un letera minor. Per esemplo:

  • Equus africanusEquus es la jenero e africanus es un ajetivo cual descrive la spesie.
  • Equus zebrazebra es un nom, esata como Equus ma plu esata.
  • Equus quagga burchelliiburchellii es un nom propre de un siensiste, e ave un fini jenitiva latina.

Spesies de animales comun ave jeneral nomes comun en ajunta a nomes siensal. Per esemplo, Equus africanus es un de multe varias de la asino. Ambos Equus zebra e Equus quagga burchellii es formas de la zebra. E Equus ferus caballus es la cavalo. An si tota esta animales es de la jenero Equus, los de la sujenero Equus es cavalos, los de la sujenero Asinus es asinos, e los de la sujenero Hippotigris es zebras.

Transcrive per elefenEdit

Esta sistem es internasional asetada par biolojistes, en la forma latina, usante la 26 leteras de la alfabeta roman completa, e sin la usa de sinietas. Multe linguas ave un sistem paralel cual usa se spele e pronunsia propre. La sistem paralel per elefen segue esta regulas:

  • consonantes:
    • ch > c
    • ph > f
    • rh > r
    • th > t
    • c pronunsiada s > s
    • g pronunsiada j > j
    • k > c
    • q > c
    • x es retenida e pronunsiada como x en elefen, no como cs
  • vocales e semivocales:
    • ae > e
    • ei > e
    • oe > e
    • ou > o
    • w > u
    • y > i

La finis de la nomes siensal de animales es cambiada, per la plu parte, a -o, con la plural en -os. Alga finis comun:

  • -ato (< -ata)
  • -formo (< -formes, -formia)
  • -ideo (< -idea)
  • -ido (< -idae)
  • -ino (< -inae)
  • -io (< -ii, -ia)
  • -morfo (< -morpha, -morphia)
  • -tero (< -ptera)

Un eseta:

  • -zon (< -zoa), adotada de la singular -zoon en elinica

La finis de la nomes siensal de plantas, algas, fungos, e bateria es cambiada, per la plu parte, a -a, con la plural en -as. Alga finis comun:

  • -fita (< -phyta)
  • -ida (< -idae)
  • -asea (< -aceae)
  • -donea (< -doneae)
  • -ala (< -ales)

Per jenero e spesies, la transcrive pote deveni plu complicada. Si no nomes comun esiste, e si la nomes siensal no pote es simple traduida, on usa la mesma transcrives como otra parolas latina singular. Si nomes comun o traduis simple, per jenero o spesies, esiste, on usa los. Per esemplo:

  • Equus hemionus > ecuo hemiono, o asino asian
  • Equus africanus > asino african
  • Equus zebra > zebra de montanias
  • Equus quagga burchellii > zebra de Burchell
  • Equus ferus caballus > cavalo domada

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.