FANDOM


La tempo gramatical es un de cuatro cualias (minima), con moda, vos, e aspeta, ce parla pote espresa. El indica la tempo de la ata o stato espresada par la verbo.

Tota lingua reconose la mesma tempos gramatical. En la tempo pasada, la ata descriveda par la verbo aveni ante la tempo de parla. En la tempo futur, la ata aveni pos la tempo de parla. E, en la tempo presente, la ata aveni durante la tempo de parla. Linguas distingui esta tre tempos en modos varios, pe par ajunta afisas a la verbo, par altera la verbo en otra modos, par usa paroletas pos o ante la verbo, o par usa averbos ce indica la tempo.

Esemplos:

La presente (me vade):

  • I go. (engles)
  • Ik ga. (nederlandes)
  • Je vais. (franses)

La pasada (me ia vade)

  • I went. (engles)
  • Ik ging. (nederlandes)
  • Je suis allé. (franses)

La futur (me va vade)

  • I will go. (engles)
  • Ik zal gaan. (nederlandes)
  • J'irai. (franses)

Nota como franses usa un paroleta per indica la pasada, e engles e nederlandes usa un paroleta per indica la futur. En elefen, la pasada es indicada par la paroleta "ia" ante la verbo, e la futur es indicada par "va" ante la verbo. La presente es indicada par la verbo sin paroleta.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.