FANDOM


Tigre

La tigre (Pantera tigris) es la spesie de gato la plu grande, con un longia completa de asta 3.3 m (11 pedes) e un pesa de asta 306 kg (67 libras). Lo es carnivor tre la plu grande de los cual vive sur la tera, pos sola la urso blanca e la urso brun. Se cualia la plu reconosable es la raios vertical e oscur sur la pelo oranje. Lo ave dentes multe forte con dentes canin la plu longa entre la felidos vivente, con un alta de la corona asta 74.5 mm (2.94 ditones) o an 90 mm (3.5 ditones).

En zos, tigres ia vive asta 20 a 26 anios, cual pare ance se eda la plu longa en la natur savaje. Los es teritorial e jeneral solitar, ma los es ance animales sosial. Los nesesa comun areas grande de tera per suporta se preda. Per esta razona, e car los abita alga de la locas con la plu de umanas sur la tera, problemes sinifiosa ia es causada entre los e umanas.

En la pasada, tigres ia abita tra Asia, de Turcia en la ueste a la costa este de Rusia. En la 100 anios pasada, los ia perde 93% de se abitada orijinal, e ia desapare de Asia sude-ueste e sentral, areas grande de Asia sude-este e este, e de la isolas de Java e Bali. Oji, los abita la area de la taiga de Sibir a la savana abrida e la pantanes tropical de rizoforas.

La ses suspesies de tigres ia es clasida como perilida par UICN (la Uni Internasional per la Conserva de Natur). La cuantia de tigres es, par estima, entre 3 062 e 3 948 individuas, a su de sirca 100 000 a la comensa de la sentenio 20, con la plu de popla restante sola en poxes peti e isolida la un de la otra. La razonas major per la declina de popla inclui la destrui de abita, la frati de abita, e la xasa nonlegal. La area ocupada par tigres es, par estima, min ca 1 184 911 km2 (457 497 milias2), un declina de 41% de la area, par estima, en la media de la desenio de 1990.

Tigres es entre la animales la plu reconosable e popular en la mundo. Los ia es importante en la mitos e fables antica, e continua es mostrada en filmas e leteratur moderna. Tigres apare sur multe banderas, scermos eraldial, e como mascotes de ecipos de sporte. La tigre bangla es la animal nasional de Bangla e India (Barat).

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.