Transcrive
Talk0this wiki
LFN usa du spesies de transcrive:
- Transcrive per parolas cual ta es adotada de otra linguas e cual ta es incluida en la disionario. Esta es descriveda asi, en esta article.
- Transcrive de nomes propre. Esta es descriveda en la article "Nomes propre".
(Esta paje conteni multe sinias fonetical de Unicode.)
Par esta spesie de transcrive on forma parolas nova ce on pote trova en la disionario (a la min en teoria). La parolas deveni un parte vera de LFN.
Esta categoria inclui la nomes de nasiones moderne, linguas major, mares e otra cosas jeografical internasional, e ance la parolas per cosas de la culturas varios de la mundo.
La du partes seguente mostra la leteras de LFN e la sonas stranjer a ce los coresponde.
Vocales 
Edit
La esemplos en esta parte es parolas engles.
| A | [æ, a, ɑ, ǝ, ʌ] | de la A anterior en "cat" a la A posterior en "car"; ance la vocales sentral como A en "ago" o U en "cut" |
| E | [ɛ, e, ei] | de la E corta de "get" a la diftongo en "may" |
| I | [ı, i, i:] | de la I corta en "in" a la I longa de engles "machine" |
| O | [ɔ, o, ou] | de la O corta de "border", tra la vocal en "law", a la diftongo en engles "boat"; ance varias anterior, como la Ö en deutx |
| U | [ʊ, u, u:] | de la U corta de engles "book" a la U longa de engles "tool"; ance varias anterior, como Ü en deutx |
La diftongos AU, AI, EU e OI representa sonas simil en la linguas orijinal.
Consonantes Edit
| B | [b, bʰ] | |
| C | [k, q, kʰ] | |
| D | [d, ɖ, dʰ, ð] | |
| DJ | [dʒ, dʒʰ, ɟ] | como en "jet" en engles |
| F | [f, ɸ, β] | |
| G | [g, gʰ, ɢ, ɣ, ɤ] | |
| H | [h, ʜ, ç, x, χ] | |
| I | [j] | |
| J | [ʒ, ʐ] | |
| K | [k] | sola per nomes propre |
| L | [l, ʟ, ɬ, ɭ] | |
| LI | [lj, λ] | como en "million" en engles, o la "gl" en "gli" en italian |
| M | [m] | |
| N | [n, ˜] | ance usada pos vocales nasalida |
| NG | [ŋ, ng] | como en "ring" en engles, o en "finger" en engles |
| NI | [nj, ɲ] | como en "companion" en engles, o la "ñ" en "año" en espaniol |
| P | [p, pʰ] | |
| Q | [k, q] | sola per nomes propre |
| R | [r, ɾ, ɽ ɹ, ʀ, ʁ] | |
| S | [s] | |
| T | [t, ƭ, ʈ, tʰ, θ] | |
| TX | [tʃ, tʃʰ] | como en "chip" en engles |
| V | [v, ʋ] | |
| U | [w] | |
| W | [w] | sola per nomes propre |
| X | [ʃ, ʂ] | |
| Y | [j] | sola per nomes propre |
| Z | [z] |
Normal, parolas de LFN no conteni leteras duple.
Nos usa H sola en nomes do la sona [h] es pronunsiada e importante, como cuando H es la letera prima ("Hauaii"), o separe du vocales (Bahamas). Ma nos scrive e "Aiti" e "Onduras", car esta H no es pronunsiada en espaniol, franses, e creol.
Jeneral, on transcrive parolas como los sona, no como los es scriveda. Donce: C ante I o E en parolas de multe linguas deveni S en LFN (el deveni TX en parolas de italian); S entre du vocales pote deveni Z; QU deveni CU; etc.
Multe esetas es posable, spesial con pronunsias nonserta. En tal casos, plu bon es segue la spele. Per esemplo, LFN transcrive la parola "English" como "engles", e no "inglix", per reteni un forma reconosable. E la sufisa "-es" es usada en la nomes de multe otra linguas. Simil, nos scrive "deutx", e no "doitx", per reteni un spele plu reconosable (e evita un forma con mal asosias).
| Sistemes de scrive | model | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenisia | Aramea | Ivri | Nabatea | Arabi | Suri | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etrusca | Latina | Cirilica | Haiaren | Hangul | Runas | Gota | Eres | Ogam | Glagolitica | Cartuli | Deutx | Copta | Uigur | Mongol | Shaw | Deseret | ||
| Otra cosas | Transcrive | Alfabeta Fonetical Internasional | Alfabetas per LFN | ||
