Trascrive de latina
From Vici de LFN
Car latina es la asendente de la linguas romanes sur ce LFN es fundada, trascrive el es multe fasil. La plu de la leteras es jeneral sin cambia. Esta paje lista la esetas.
En parolas per la disionario deduida de latina:
- AE deveni E
- OE deveni E
- C ante E, I, Y deveni S
- G ante E, I, Y deveni J
- H es sutraeda
- K deveni C
- Q deveni C
- X deveni S
- Y deveni I
- CH deveni C
- PH deveni F
- RH deveni R
- TH deveni T
Ma, en nomes propre (de la eda de la romanes):
- C es sempre C
- G sempre G
- H es retenida — ma CH, PH, RH e TH deveni ancora C, P, R e T
- Q es retenida
- X es retenida
La otra regulas de trascrive aplica.
[edit] Finis
Per parolas deduida de latina, LFN usa finis simil a los en la linguas romanica.
Normal, la nomes refleta la seso orijinal de la parolas latina:
| (no fini) | representa "-us", "-um", "-u", "-os", "-on" cuando LFN pote tolera la consonante final ce resulta |
| -o | representa "-us", "-um", "-u", "-os", "-on" en otra casos |
| -a | representa "-a", "-as" |
| -e | representa "-e", "-es" |
Nomes con la finis "-is", "-ix", "-ex" o "-x" es nonfasil predisable: "penis" deveni "penis"; "radix" deveni "radis"; "fenix" deveni "fenix"; "cortex" deveni "cortex"; "rex" deveni "re". Per un gida, vide la linguas romanica moderna.
Ajetivos fini normal con "-a" o "-e".
Verbos fini normal como la infinitivos latina, sin la "-re" final: "amare" deveni "ama"; "debere" deveni "debe"; "venire" deveni "veni".
| Sistemes de scrive | model | ||
| Logografia | Xines | Ieroglifes | Cuneoforma | ||
| Alfabetas silabal | Katakana | Hiragana | Tsalagi | Canadianes orijinal | ||
| Alfabetas consonantal | Alfabeta orijinal | Fenesian | Aramaian | Ivri | Nabatean | Arabian | Surian | ||
| Alfabetas cuasi-completa | Itiopian | Brami | Devanagari | Cusana | Gupta | Granta | Calinga | Tibetan | Caxmiri | Gurmuci | Gujurati | Sindi | Bangal | Oria | Tai | Mianmar | Sinales | Tamil | Telugu | Canares | ||
| Alfabetas completa | Elinica | Etruscan | Latina | Cirilica | Haiaren | Hangul | Runas | Gotica | Eres | Ogam | Glagolitica | Cartuli | Deutx | Coptica | Uigur | Mongol | ||
| Otra cosas | Trascrive | Alfabeta Fonetical Internasional | Alfabetas per LFN | ||
