Vici de LFN:Como cambia un paje

From Vici de LFN

Esta es un vici: la lejores pote cambia la pajes.

Cualcun lejor pote fa cambias, an sin identifia se. Ma nos recomenda ce tu crea un conta e identifia tu.

[edit] Como comensa

Per comensa cambia un paje, visita la paje e clica "Cambia" en la bara colorada a supra. Tu va vide un paje con un caxa ce conteni la "testo cru" de la paje:

Tu pote edita la testo cru. El es "cru" en la sensa ce el no es tan bela como un paje normal! En loca de imajes e lias e titulos, on trova alga sinias spesial. La vici interprete esta sinias cuando el presenta un paje per leje. Esta sinias es clarida a su.

Si tu desira, tu pote ajunta un soma corta de tu cambias en la caxa "Soma" su la caxa xef. La somas pote aida otra usores de la vici.

Cuando tu ia completi tu cambias a la paje, clica la boton "Fisa". Esta ajunta tu cambias a la paje, e pone un nota en la lista de cambias resente. La nota inclui tu soma.

Si tu fa un cambia complicada, nos recomenda ce tu usa la boton "Previde". Par "Previde" tu pote esamina como la paje ta aspeta si tu ta clica "Fisa" — ma sin fa vera la fisa. "Previde" revela frecuente eras stupida! El conteni ance un caxa con la testo cru, do tu pote fa coretis. Cuando tu gusta la previde, clica "Fisa".

[edit] Sinias spesial

Nos descrive asi la sinias spesial ce pote apare en la testo cru de un paje.

Si tu desira esplora esta sinias per aprende los, donce crea un conta e esperimente en tu paje propre.

[edit] Paragrafes

Per comensa un paragraf nova, lasa un linia vacua. Si tu comensa un linia nova sin lasa un linia vacua, el deveni un parte de la paragraf presedente.

Per forsa ce un linia nova apare en la media de un paragraf, tape <br> a la loca desirada:

Per tape fasil un poesia, o la parolas de un canta, tu pote pone <poem> a la comensa e </poem> a la fini. Alora tu no nesesa tape <br>:

[edit] Titulos

Tu pote ajunta titulos de niveles varios per introdui la partes de un paje.

---

Tu pote ance ajunta un linia orizonal per separe du partes cuando un titulo no conveni:

Pone estas sur se linias propre.

[edit] Efetos per parolas

Per presenta un parola par leteras apoiada o spesa, tape el entre sinias de elidi duplida o truplida:

Tu pote ance bari o sulini parolas. Tape los entre <s>...</s>, o <u>...</u>:

Tu pote crea ^supraindises e _suindises. Tape los ^..., o _...:

[edit] Lias

Lias entre pajes es multe importante en un vici, car los furni la modo xef de naviga. Lias a pajes mancada es roja. Clica un lia roja per crea la paje.

Si tu tape la titulo de un paje entre brasetas reta duplida, tu crea un lia simple a acel paje:

Si tu preferi ce la testo de la lia difere de la titulo de la paje, donce ajunta la testo de la lia pos la titulo, con un bara vertical ("|") entre la du:

Si tu comensa un parola entre la brasetas, e fini el pos la brasetas, donce la fini deveni un parte de la testo de la lia:

Alga pajes spesial (como esta) conteni informa sur la vici se mesma, e se titulos ave la prefisa "Vici de LFN:". Otras ave la prefisa "Forum:". Esta no cambia la regulas per lias:

Per lia a un parte de un paje, ajunta la titulo de la parte pos la titulo de la paje, con la sinia "#" entre la du:

[edit] Lias esterna

Per lia a un paje estra la vici, on pote tape simple la adirije de acel paje:

Ma tal adirijes es alga fea. On pote asconde los pos testo plu comun. Usa brasetas reta, ma no duplida, e con un spasio entre la adirije e la testo:

[edit] Redirijes

A veses, on desira ce un titulo lia sempre a un paje diferente. Per esemplo, "LFN" e "Lingua Franca Nova" es la mesma cosa, donce "LFN" ta lia sempre a "Lingua Franca Nova".

Per reali esta, on "redirije" un paje a la otra. La paje LFN conteni esta:

Donce cuando on clica un lia a LFN (= [[LFN]]) la vici salta a la paje Lingua Franca Nova en loca.

[edit] Suscrives

Cuando tu ajunta a un paje normal, tu no ta suscrive tu cambias. Tal pajes es un propria comun ce la comunia boni gradal tra la tempo.

Ma alga pajes, como los en la foro, es reservada per discutes. Si tu ajunta a tal paje, tu ta suscrive tu comentas.

La modo la plu fasil de suscrive es tape ~~~ (tre tildes). Cuando tu fisa la paje, la vici sustitui tu nom per la tildes. Tu nom apare como un lia a tu paje propre.

Si tu preferi, tu pote ance tape ~~~~ (cuatro tildes). Alora la vici ajunta ance la ora e dato de tu comenta. Ma nos recomenda tre tildes, car la resulta es plu simple.

[edit] Imajes

Per ajunta un imaje a un paje, comensa par copia el a la vici. Entre la lias a la lado sinistra de cada paje, tu va trova "Envia un imaje". Esta lia gida a un paje spesial do tu pote eleje un de la imajes ce tu ave en tu computador, per copia el a la vici.

No usa imajes sin envia los a la vici, per favore. La regulas de Wikia.com proibi esta.

Per inclui un imaje en un paje, tape se nom, prefisada par "Image:", entre brasetas reta dupli:

Multe imajes aspeta plu bon si on pone los a la marjin destra, con un descrive corta:

Tape esta sur se linia propre. Si tu loca la imaje a la marjin de un paragraf, donce tape la imaje direta ante la paragraf.

[edit] Listas

Tre spesies de lista es posable. La plu usos es la lista de puntos nonordinada. Cada punto ocupa un linia, e comensa con un stela:

Usa plu ce un stela per crea un punto indenteda. Esta truco es spesial usos en la foro, per mostra clar ce on responde a un punto esistente, e no comensa un punto nova:

Un otra spesie es la lista de puntos numerida. Cada punto ocupa un linia, e comensa con la sinia "#":

On pote usa plu ce un sinia "#" per crea puntos indenteda. On pote an misca la du sistemes, per crea un lista numerida en un punto de un lista nonordinada:

La spesie tre de lista es la lista de definis. Cada punto en la lista ave du partes: un terma e un defini. La terma comensa con un virgula con punto (";"), e la defini comensa con du puntos (":") o sur la mesma linia o sur se linia propre: