Spele e pronunsia

From Vici de LFN

[edit] Alfabetas

Lingua Franca Nova usa la du alfabetas la plu comun conoseda en la mundo: la roman (o latina) e la cirilica.

K, Q, W, e Y no apare en parolas comun. On usa los sola per conserva la formas orijinal de nomes propre e de parolas stranjer. Es simil per acel leteras de la alfabeta cirilica ce no es listada.

Ance H no es comun, ma on trova el en alga termas tecnical e cultural.

[edit] Leteras major

On usa un letera major a la comensa de la parola prima en un frase.

On usa leteras major ance a la comensa de nomes propre. Cuando un nom propre conteni plu ce un parola, on dona un letera major a cada parola – ma no a parolas minor como la e de:

Ma con titulos de operas de arte e leteratur, on dona un letera major a sola la parola prima de la titulo (e a cualce nomes propre ce apare):

A veses, como en avertis, on usa leteras major per asentua parolas o frases intera.

LFN usa leteras minor do alga linguas usa leteras major:

[edit] Nomes de leteras

On usa la silabas seguente per nomi leteras en parla, per esemplo cuando on spele un parola:

Estas es nomes, e on pote plurali los: as, bes, efes.

En scrive, on pote presenta simple la letera se mesma, en forma major, con -s ajuntada en la plural:

[edit] Vocales

On pronunsia la leteras A, E, I, O, e U como en espaniol o italian:

La sonas de la vocales permete alga varia. Per esemplo, on pote pronunsia A como [ɑ], E como [ɛ] o [ei], e O como [ɔ] o [ou] sin causa malcomprendes.

[edit] Ditongos

Normal, cuando un vocal segue un otra, on pronunsia los a modo separada.

Ma cuando la vocal du es I o U, la du vocales formi un ditongo:

La ajunta de un prefisa no crea un ditongo: reuni [re-uni], supraindise [supra-indise]. Per razonas simil, du silabas separada es ance normal en alga otra parolas: egoiste [ego-iste], proibi [pro-ibi]. La disionario indica tal parolas, pe: "proibi (o-i)".

La segues rara EI e OU es normal pronunsiada como E e O: einsteinio [enstenjo], douglas [doglas]. En alga casos, on pronunsia la du vocales separada: ateiste [ate-iste], reinventa [re-inventa].

Cuando I o U presede un otra vocal, on redui el a un semivocal – [j], [w] – en la casos seguente:

En otra casos – pe: emosia, abitual, plia – la I o U resta como un vocal plen.

An si esta regulas defini la pronunsia normal per ditongos, on pote iniora los sin confusa.

[edit] Consonantes

La leteras seguente es consonantes:

Nota la puntos seguente:

Car alga combinas o locas de consonantes es nonfasil per alga parlores, lfn permete la varias seguente:

[edit] Leteras stranjer

Cuando leteras stranjer apare en un parola, los ave normal la pronunsias seguente:

[edit] Asentua

Si un parola ave plu ce un vocal, un de la vocales es asentuada: el ave un pronunsia plu forte. La vocales asentuada a su es suliniada.

La regula basal es ce on asentua la vocal ce presede la consonante final de un parola:

La ajunta de un sufisa pote move la asentua:

Ma la asentua no move cuando on ajunta -s per plurali:

Per esta regula, la I o U de un ditongo condui como un consonante:

Si no vocal presede la consonante final, on asentua la vocal prima:

Alga parolas ave plu ce un vocal pos se consonante final. Si un de esta vocales es I o U, la asentua sta ancora sur la vocal ante la consonante:

Ma cuando la du vocales final es EA, AE, EO, OE, AO, o OA, la asentua es a la vocal prima de la duple:

Alga parolas composada reteni la asentua de se elemento du. On scrive estas con un sinia de junta: media-dia, para-rio, vise-re.

LFN no es un lingua tonal: on no distingui parolas par cambia la altia de la vose. An tal, per indica ce un frase es un demanda, un manera es fini con un tono asendente:

[edit] Fonotatica

La formas de parolas comun en lfn es constrinjeda par alga regulas.

Du esemplos de la mesma vocal (como aa) no pote sta la un asta la otra, estra cuando esta es la resulta de ajunta un prefisa: "reenvia", "coopera". En esta casos, on pronunsia ambos vocales.

La segues ei e ou no es valida. Ma on permete ei en parolas ce comensa con re-, como reincarne. On pronunsia esta como du vocales separada.

Cuando un sufisa ta crea un segue nonvalida de vocales, on sutrae la vocal du de la segue:

A la comensa de un silaba, on permete sola la grupos seguente de consonantes:

A la fini de un silaba, on permete sola la consonantes seguente, e un vocal debe sta direta ante los:

Un grupo de consonantes en la media de un parola es valida si on pote fende el entre du silabas valida:

Esta regulas no aplica a la nomes propre, e a la parolas tecnical, internasional, e cultural.