FANDOM


  • frase — Un serie de parolas cual pote sta sola, usada per fa un declara, un demanda, o un comanda.
    • proposa — Un parte de un frase con un verbo como se nucleo. Lo pote es un frase completa, o un parte cual ta es noncompleta sin la frase cual conteni lo. (Engles = clause.)
    • formula — Un parola o serie de parolas cual partisipa en la strutur sintatical de un frase. (Engles = phrase.)
    • nucleo — La rol de un formula cual es la parte la plu importante de un otra formula. On clasi la formulas par se nucleos.
    • dependente — La rol de un formula cual apare en un otra formula, ma no como se nucleo.
    • formula nomal — Un formula con un nom como se nucleo, p.e. "la du jornales cual me ia leje".
    • formula ajetival — Un formula con un ajetivo como se nucleo, p.e. "estrema plen de acua fria".
    • formula aposadal — Un formula con un aposada como se nucleo, p.e. "direta ante me fenetra".
    • sujeto, ojeto — La dependentes la plu importante en un proposa. La sujeto indica la cosa cual fa la ata de la verbo, e la ojeto indica la cosa cual "reseta" la ata.
  • nom (a.c.c. "sustantivo") — Un parola cual indica un cosa fisical (como "person", "gato", "casa", "rio"), o un parola sintatical simil (como "tempo", "matematica", "belia", "asentia").
    • nom propre — Un formula nomal, usada como la nom abitual de un individua (como "Maria", "la Statos Unida", "la Gera Mundal Du").
    • nom comun — Un nom cual no es un nom propre.
    • nom contable — Un nom cual on pote plurali (como "lago"). Lo presenta un cosa como un individua distinguable.
    • nom noncontable (laxe: "nom de masa") — Un nom cual on no pote plurali (como "fango"). Lo presenta un cosa como un sustantia, no un individua. [Multe nomes opera en ambos modos, p.e. "du tases de cafe (noncontable)", "du cafes (contable)".]
    • nom verbal — Un nom, indicante un ata, cual reusa la forma de un verbo, p.e. "tradui" en "un tradui".
    • pronom — Un nom sintatical limitada, usada per corti un formula nomal cual es ja o pronto notada (o "notada" par la situa se mesma). La pronomes formi un grupo cluida.
  • ajetivo — Un parola cual aplica un cualia a un nom. En elefen, ajetivos segue nomes.
    • partisipio — Un ajetivo derivada de un verbo par ajunta "-nte" o "-da". Los es usada per indica la cualia de es la sujeto o la ojeto de la verbo. La forma ativa difere de otra ajetivos car lo pote reseta un ojeto.
  • determinante — Un parola cual aplica un refere o cuantia a un nom. La determinantes formi un grupo cluida.
  • verbo — Un parola cual es la nucleo de un proposa, e cual indica la aveni de un ata o state.
    • verbo transitiva — Un verbo con un ojeto.
    • verbo nontransitiva — Un verbo sin un ojeto.
    • infinitiva — Un verbo cual ave dependentes normal (con eseta de sujeto), ma cual opera como la nucleo de un formula de nom, p.e. "canta" en "canta forte la imno es fatigante".
    • cadena de verbos — Un serie de verbos, de cual cada es la ojeto de la presedente, p.e. "me desira comensa repara pronto la motor". La sujeto de la verbo prima es comprendeda como la sujeto de la otra verbos. La verbo final pote ave dependentes normal, p.e. "pronto" e "la motor". (On pote esplica esta strutur en modos varios, ma la resulta resta la mesma.)
  • averbo — Un parola cual aplica un cualia (tipal de modo o grado) a un verbo, un ajetivo, o un otra averbo. En elefen, averbos segue verbos, ma presede ajetivos e averbos.
  • preverbo — Un de la tre parolas spesial "ia", "va", "ta" cual presede un verbo e spesifa se tempo.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.