FANDOM


William Shakespeare
Shakespeare
Pais England
Profesa Poesior e autor teatral
Dia de nase nonconoseda
Loca de nase Stratford-upon-Avon, Warwickshire, England
Dia de mori 23 April 1616
Loca de mori Stratford-upon-Avon, Warwickshire, England

William Shakespeare (1564–1616) ia es un poesior e autor teatral de England. On considera el como la autor la plu alta en la lingua engles, e la dramiste la plu eselente en la mundo. El ia es batizada en Stratford-upon-Avon, Warwickshire. En 1582 Shakespeare ia sposi Anne Hathaway. Los ia jenita un fia en 1583 e jemelos — fia e fio — en 1585. La fio no ia survive.

En 1592 Shakespeare deveni famos como ator e autor teatral. Se reputa culmini como poesior capas e poplal pos la publici de se du naradas poesial Venus e Adonis (1593) e La Viole de Lucretia (1594) e se sonetos (1609).

A eda presente, Shakespeare es xef conoseda per se 38 teatrales. El ia funda se propre compania de atores, The Lord Chamberlain's Men, plu tarda nomada The King's Men, e du teatros: la Teatro de Globo e Teatro Blackfriars.

Se pesos temprana inclui: Henry 6, partes 1, 2 e 3 (1590?-1592?) e Richard 3 (1593?), sur la vilia resultante de rena debil e de desunia nasional.

Ance a comensa, el scrive comedias La comedia de eras (1592?), La doma de la fem reproxante (1593?) La du seniores de Verona (1594?), e Laboras perdeda de ama (1594?).

Alora el ia es la autor de pesos istorial — Richard 2 (1595?), Henry 4, partes 1 e 2 (1597?), e Henry 5 (1598?).

La comedias amada inclui La sonia de un note de estate (1595?), La mercator de Venezia (1596?), Multe ruido per no cosa (1599?), Como plase a tu (1599?), e Note des-du. (1600?)

La du trajedias famos es Romeo e Juliet (1595?), ce trata poesial la ama joven, draminte la fortuna de du amores ci ia es vitimas de disputas e malcomprendes de se relatadas e sufri se propre emosias fretada. Julius Caesar (1599?) es un trajedia seria de lutas political.

La operas ultima es comedias "amarga" e trajedias grande: Hamlet (1601?) sur venja e misca de vilia con gloria umana. Othello (1604?) pinta la crese de jelosia sin razona. Re Lear (1605?) trata la segues de la maljudi e freta de Lear.

Antony e Cleopatra (1606?) nara la ama focos de la jeneral romanica Mark Antony per la rea misri Cleopatra. La ama de la du jovenes brilia glorios par la poesia la plu sensos de Shakespeare.

Macbeth (1606?) nara la trajedia de un om ci sede a aspira avar. Es ance du comedias "amarga": Tota es bon ce fini bon (1602?) e Mesura per mesura (1604?).

La trajicomedia romantica Pericles, prinse de Tiro (1608?) conserna la mori de la sposa de la carater titulal e la persegue de se fia.

En Cymbeline (1610?) e La nara de inverno (1610?), carateres sufri peri e dole grande, ma reuni a la fini. En La tempeste (1611?), la trama sujeste la efetos beneficos de junta la potentia con la sajia .

Vide ance Edit

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.