La linguas xines (o sinitica) es plu coreta un familia o grupo de linguas relatada, desendentes de un lingua, xines vea, parlada par la Han de Xina norde. La familia es un de la du ramos de la familia Xino-Tibetan. Sirca un sinci de la popla de la mundo - 1200 milion - parla alga forma de xines per se lingua nativa. La plu de linguistes crede ce es sirca 10 "dialetos" de xines, con Putong (o Mandarin) la plu grande, con sirca 850 milion persones.

Putong es la forma usada per un "lingua franca" en Xina, e la model es la dialeto parlada en Beijing. Putong es ance un de la ses linguas ofisial de la Nasiones Unida. Guangdong (o Cantones), con 80 milion parlores, es ance importante, e es un de la linguas ofisial de Hong Cong (Hongcong) e Macau.

La linguas xines difere en multe modos, ma tota ave tonos, un gramatica analitica, e parolas corta. Los ave ance un forma de scrive - la scrive xines (o 漢字 / 汉字 Handzi) - ce es un sistem de carateres ce represente cosas, ideas, e sonas.

Per la gramatica de xines (putong), clica asi.

La linguas en la familia xines es...

• Putong (o Mandarin) 北方话 / 北方話 o 官話 / 官话 (c. 800 milion)
• U 吳/吴 (c. 90 milion)
• Guangdong (Cantones o Yue) 粵 / 粤, (c. 80 milion)
• Min 閩 / 闽 (c. 50 milion)
• Jin 晉 / 晋 (simile a Putong, c. 45 milion)
• Xiang 湘, (c. 35 milion)
• Haca 客家 o 客, (c. 35 milion)
• Gan 贛 / 赣, (c. 20 milion)
• Hui 徽 (simile a U, c. 3.2 milion)
• Ping 平話 / 平话 (simile a Guangdong, c. 200,000)