Fandom

Vici de LFN

Zaratustrisme

3,786pages on
this wiki
Add New Page
Talk0 Share
Zartosht

Zaratustrisme es la relijio e filosofia fundada en la instrui de la profeta Zaratustra, ance clamada Zoroastre. La crede major es la crede en la dio ultima, clamada Ahura Mazda, la creor de la universa. La relijio ia es la relijio plu potos en Persia antica, ma aora ave sola sirca 200,000 credores, con la plu en India e Iran.

Zaratustra es de la nom Avestan Zaraθuštra, de Irani antica *zarat-uštra, ce sinifia probable pastor de cameles. El es ance clamada Ζωροάστρης (Zōroastrēs) en Elinica, e زرتشت (Zartosht) en Persian. El ia es un scrivor relijios en Persia antica, sirca la sentenio 6 aec. El ia organiza la dios e devas de la relijio comun de la eda e loca, e ci ia asentua un ordina en ce Ahura Mazda es la dio ultima. La dio ave du "fios," Angra Mainyu, ci represente la mal de la universa, e Spenta Mainyu, ci represente la bon de la universa. Esta es un de la ideas asentuada en Zaratustrisme: La luta entre la mal e la bon. Ance, Ahura Mazda ia crea sete dios minor clamada la Amesha Spentas, ce representa aspetas de la universa, e multe otra spiritos.

La relijio asentua la idea ce nos ave un vole libre e pote eleje bon o mal tra nos fadas. En la tempo final, la bon va vinse la mal, e tota spiritos umana va abita con dio - incluinte los ci ia fa mal e ia abita en la oscuria!

Un cualia de zaratustrisme comun notada es la pratica de adora dio a contra un foco. Zaratustristes no adora la foco, ma usa el como un simbol de la bon. Zaratustristes no atenta cambia otras a se relijio, e sola la enfantes de Zaratustristes deveni Zaratustristes se mesma. Es per esta causas ce la numeros de Zaratustristes ia deveni tan poca.

Ad blocker interference detected!


Wikia is a free-to-use site that makes money from advertising. We have a modified experience for viewers using ad blockers

Wikia is not accessible if you’ve made further modifications. Remove the custom ad blocker rule(s) and the page will load as expected.